કોરોના :૩ કરોડ ૨૦ લાખ ભારતીય મધ્યમવર્ગથી બહાર આવ્યા
નવીદિલ્હી: કોરોનાવાયરસ ફાટી નીકળતાં આર્થિક સંકટને કારણે કેટલીક મુશ્કેલી ઉભી થઈ છે તે સંબંધિત આંકડો સામે આવ્યો છે. એવું જાણવા મળ્યું છે કે કોરોના રોગચાળાને કારણે ૩૨ મિલિયન (એટલે કે ૩૦ કરોડ ૨૦ લાખ) ભારતીય મધ્યમ વર્ગની શ્રેણીમાંથી બહાર આવ્યા છે. એટલે કે, રિપોર્ટ અનુસાર નોકરી ગુમાવવાના કારણે ઘણા લાખ લોકોને પૈસાની અછતનો સામનો કરવો પડ્યો હતો.
અમેરિકાના પ્યુ રિસર્ચ સેન્ટરના અહેવાલમાં આ વાત સામે આવી છે. આ પ્રમાણે દિવસમાં ૧૦ થી ૨૦ ડોલર કમાતા ભારતીયોની સંખ્યામાં ઘટાડો થયો છે. આને કારણે ૨૦ કરોડ ભારતીયો મધ્યમ વર્ગથી વંચિત રહ્યા છે. અહેવાલમાં એવું પણ કહેવામાં આવ્યું છે કે છેલ્લા કેટલાક વર્ષોમાં ભારતના મધ્યમ વર્ગના વર્ગમાં પણ વધારો થયો હતો.
૨૦૧૧ થી ૨૦૧૯ની વચ્ચે ૫૭ મિલિયન લોકો મધ્યમ આવક ગ્રૃપમાં હતા. રિપોર્ટ અનુસાર ભારતમાં ૯૯ મિલિયન લોકો કોરોના સમયગાળા પહેલા મધ્યમ વર્ગમાં હતા. પરંતુ કોરોના કાળના એક વર્ષ પછી, આ સંખ્યા ઘટીને ૬૬ મિલિયન થઈ ગઈ છે. રિપોર્ટમાં એમ પણ કહેવામાં આવ્યું છે કે કોરોનાને કારણે ભારતને વધુ આર્થિક નુકસાન થયું છે કારણ કે ભારતમાં મધ્યમ વર્ગની સંખ્યા ચીન કરતા વધુ ઘટી છે.
ભારત માટે આ અહેવાલ પણ પરેશાન કરી શકે છે કારણ કે કેટલાક રાજ્યોમાં ફરીથી ચેપ ફેલાયો છે. અને આ રાજ્યો મોટાભાગે ઔદ્યોગિક રાજ્યો છે. આ દરમિયાન તેલના ભાવ, નોકરી જવી અને પગારમાં ઘટાડો એ લોકોના જીવન ધોરણને પણ અસર કરી છે.
