જલંધરમાં વૃદ્ધ મહિલાની કાર લઇને ચોર ભાગ્યો

બજારમાં ડ્રાઈવર એસી ચાલુ મૂકીને કારમાંથી નીચે ઉતર્યો હતો અને વૃધ્ધા માટે થોડો સામાન લેવા ગયો હતો

જલંધર: પંજાબના જલંધરથી ચોરીની એક સનસનીખેજ ઘટના પ્રકાશમાં આવી છે જ્યાં ચોરે વૃદ્ધ મહિલાને પોતાનો શિકાર બનાવી છે. ચોર પહેલેથી જ સ્ટાર્ટ કરેલી ગાડીમાં બેઠો હતો અને કાર લઈને પલાયન થઇ ગયો. સાથે મહિલાનું સરનામું અને ફોન નંબર પણ તેની સાથે લઇ ગયો છે. અહેવાલ મુજબ, ૭૭ વર્ષીય બલવીર કૌર તેના ડ્રાઇવર સાથે બજાર જવા રવાના થઈ હતી. બજારમાં ડ્રાઈવર એસી ચાલુ છોડીને કારમાંથી નીચે ઉતર્યો હતો અને થોડો સામાન લેવા ગયો હતો, ત્યારે કાર ચાલુ હતી અને મહિલા તેમાં બેઠેલી હતી. દરમિયાન કંઈક એવું બન્યું જેના કારણે મહિલાના હોશ ઉડી ગયા હતા.

ડ્રાઇવર સામાન સાથે કાર તરફ આવ્યો ત્યાં સુધીમાં કાર અને મુસાફરી કરતી મહિલા ત્યાંથી ગાયબ હતા. એક વ્યક્તિ કારમાં બેઠો અને મહિલા સાથે કાર સાથે ચાલવા લાગ્યો. કારમાં પ્રવેશતા કોઈ અજાણ્યા વ્યક્તિને જાેઈ વૃદ્ધ મહિલાએ ખૂબ બૂમો પાડી પણ કોઈએ તેને મદદ કરી નહીં. અમુક અંતર સુધી ચોર મહિલા સાથે કાર ચલાવતો રહ્યો. ત્યારબાદ તેણે મહિલાને કારમાંથી ઉતારી અને તેનું સરનામું પૂછ્યું. પેલા માણસે કહ્યું, ‘આંટી, હું તમને દુઃખ પહોંચાડવા માંગતો નથી. તમે મને તમારૂ સરનામું અને ફોન નંબર આપો,

હું આવતી કાલે કાર પાછી આપી જઈશ. ચોરીની આ અજીબ ઘટના બાદ મહિલાએ પોલીસ સ્ટેશનમાં કેસ નોંધાવ્યો છે. પોલીસ ફરિયાદ મુજબ મહિલાએ જણાવ્યું કે તે તેના પરિવાર સાથે યુ.એસ.માં રહે છે અને તેનો ફોન વેચવા નજીકની માર્કેટમાં ગઈ હતી. પોલીસના જણાવ્યા મુજબ ચોર ૨૫ વર્ષની ઉંમરનો છે પરંતુ તેની ઓળખ હજી બહાર આવી નથી. હવે પોલીસે અપહરણ અને ચોરીની કલમોમાં ગુનો નોંધીને આરોપીની શોધખોળ શરૂ કરી છે.