લખીમપુર હત્યાના કેસમાં કાર્યવાહીથી અસંતુષ્ટ સુપ્રીમે યોગી સરકારને ફટકારી લગાવી
Files Photo
નવીદિલ્હી, ઉત્તર પ્રદેશની લખીમપુર ખેરી ઘટનામાં ચાર ખેડૂતો સહિત આઠ લોકોની હત્યાના કેસની સુપ્રીમ કોર્ટમાં સુનાવણી થઈ હ તી. સુપ્રીમ કોર્ટે લખીમપુર ઘટના પર યુપી સરકારની કાર્યવાહી સામે નારાજગી વ્યક્ત કરી હતી અને સુપ્રીમ કોર્ટે કહ્યું હતું કે તે ઉત્તરપ્રદેશ સરકારે લખીમપુર ખેરી હિંસા કેસમાં લીધેલા પગલાથી સંતુષ્ટ નથી. સુપ્રીમ કોર્ટે ઉત્તરપ્રદેશ સરકારને એવા આરોપીઓની ધરપકડ ન કરવા પર સવાલ ઉઠાવ્યો કે જેમની સામે લખીમપુર ખેરી હિંસા કેસમાં એફઆઈઆર નોંધવામાં આવી છે અને પૂછ્યું કે તમે શું સંદેશ આપી રહ્યા છો.
યુપી સરકાર વતી સુપ્રીમ કોર્ટમાં કેસ લડી રહેલા હરીશ સાલ્વેએ કોર્ટને જણાવ્યું કે આરોપી આશિષ મિશ્રા આવતીકાલે સવારે ૧૧ વાગ્યે ક્રાઈમ બ્રાન્ચ સમક્ષ હાજર થશે. અગાઉ ગુરુવારની સુનાવણીમાં સુપ્રીમ કોર્ટે ઉત્તર પ્રદેશ સરકારને આજે એટલે કે શુક્રવાર સુધીમાં સ્ટેટસ રિપોર્ટ રજૂ કરવા કહ્યું હતું. આ સ્ટેટસ રિપોર્ટમાં, રાજ્ય સરકાર એફઆઈઆરમાં નામ આપવામાં આવેલા આરોપીઓની વિગતો તેમજ તેમની ધરપકડ કરવામાં આવી છે કે કેમ તેની વિગતો આપવાની હતી.
સુપ્રીમ કોર્ટે કહ્યું કે તે ઉત્તરપ્રદેશ સરકારે લખીમપુર ખેરી હિંસા કેસની તપાસમાં લીધેલા પગલાંથી સંતુષ્ટ નથી. સુપ્રીમ કોર્ટે ઉત્તરપ્રદેશ સરકારને એવા આરોપીઓની ધરપકડ ન કરવા પર સવાલ ઉઠાવ્યો કે જેમની સામે લખીમપુર ખેરી હિંસા કેસમાં એફઆઈઆર નોંધવામાં આવી છે અને પૂછ્યું કે તમે શું સંદેશ આપી રહ્યા છો.
કોર્ટે વધુમાં કહ્યું કે, આશા છે કે યુપી સરકાર આ મામલાની સંવેદનશીલતાને ધ્યાનમાં રાખીને જરૂરી પગલાં લેશે. આરોપી આશિષ મિશ્રાની ધરપકડ ન થતાં સુપ્રીમ કોર્ટ ગુસ્સે થઈ ગઈ અને પૂછ્યું કે તેની ધરપકડ કેમ નથી થઈ.
સુપ્રીમ કોર્ટે ઉત્તર પ્રદેશ સરકારને વૈકલ્પિક એજન્સીની કોર્ટને જાણ કરવા કહ્યું છે, જે આ મામલાની તપાસ કરી શકે.સીજેઆઇ એ ઉત્તરપ્રદેશ સરકારના ડીજીપીને ખાતરી કરવા કહ્યું છે કે જ્યાં સુધી કોઈ અન્ય એજન્સી આ મામલાને સંભાળે નહીં ત્યાં સુધી કેસમાં પુરાવા સુરક્ષિત છે. કોર્ટે ઉત્તરપ્રદેશ તરફથી હાજર રહેલા વરિષ્ઠ વકીલ હરીશ સાલ્વેને રાજ્ય સરકારને પોતાનો સંદેશો આપવા જણાવ્યું હતું કે લખીમપુર ઘેરી કેસમાં પુરાવાનો નાશ ન કરવો જાેઈએ.HS
