કોલેજના ગેસ્ટ ટીચર ગરીબ બાળકોને ભણાવવા કુલી બન્યા

ઓડિશા, ગંજમ જિલ્લાના ૩૧ વર્ષીય નાગેશુ પાત્રો દિવસ દરમિયાન એક ખાનગી કોલેજમાં ગેસ્ટ લેક્ચરર તરીકે કામ કરે છે, પરંતુ રાત્રે બેરહામપુર રેલવે સ્ટેશન પર કુલી તરીકે કામ કરતા જાેવા મળે છે. કુલી તરીકે કામ કરતા નાગેશુ પોતાનું ખિસ્સા ભરવા નહી, પરંતુ તેણે ગરીબ વિદ્યાર્થીઓને મફતમાં કોચિંગ સેન્ટરમાં ભણાવવા માટે રાખેલા શિક્ષકોના પગાર ચૂકવવા માટે આ કામ શરુ કર્યું છે.

દિવસની શરૂઆત થતાં જ નાગેશુ પાત્રો એક ખાનગી કોલેજમાં ગેસ્ટ ટીચર તરીકે જાય છે. આ પછી તે ગરીબ વિદ્યાર્થીઓ માટે ખોલવામાં આવેલા તેના કોચિંગ સેન્ટરમાં મફતમાં ક્લાસ લે છે. રાત્રે તે બેરહામપુર રેલ્વે સ્ટેશન પર કુલી તરીકે કામ કરે છે. પાત્રોએ કહ્યું કે કોવિડ રોગચાળા દરમિયાન ઘરે બેકાર બેસી રહેવાને બદલે તેમણે ગરીબ બાળકોને મફતમાં ભણાવવાનું શરૂ કર્યું.

વિદ્યાર્થીઓની સંખ્યામાં વધારો થતાં તેમણે આઠથી ૧૨ ધોરણના વિદ્યાર્થીઓ માટે કોચિંગ સેન્ટરની સ્થાપના કરી. તેઓ પોતે હિન્દી અને ઉડિયા શીખવે છે, જ્યારે બાકીના વિષયો માટે તેમણે અન્ય શિક્ષકોની સેવાઓ લીધી છે.

નાગેશુ પાત્રોએ તેના કોચિંગ સેન્ટરમાં અન્ય ચાર શિક્ષકોને રાખ્યા છે, જેમને તે લગભગ રૂ. ૧૦,૦૦૦ થી રૂ. ૧૨,૦૦૦ ચૂકવે છે, પરંતુ આટલું ચૂકવવા માટે, તે રેલ્વે સ્ટેશન પર કુલી તરીકે કામ કરીને કમાય છે.

જ્યારે નાગેશુ પાત્રોને પૂછવામાં આવ્યું કે શું તેઓ પોતે લેક્ચરર થયા પછી કુલી તરીકે કામ કરવામાં શરમ અનુભવે છે, તો તેમણે ન્યૂઝ એજન્સીને જવાબ આપ્યો, “લોકો જે વિચારે છે, તેમને વિચારવા દો, મને શીખવવું ગમે છે અને” હું આ ચાલુ રાખવા માંગુ છું.

૮,૦૦૦ રૂપિયામાં તે ખાનગી કૉલેજમાં ગેસ્ટ લેક્ચરર તરીકે કમાય છે, જેનો ઉપયોગ તે તેના પરિવારના ખર્ચને પહોંચી વળવા માટે કરે છે, જેમાં તેના માતાપિતાનો સમાવેશ થાય છે, તે ગંજમ જિલ્લાના મનોહર ગામમાં રહે છે.

પાત્રોએ નમ્ર પૃષ્ઠભૂમિમાંથી આવતા, વર્ષ ૨૦૦૬માં ૧૦મીની પરીક્ષા આપી શક્યો ન હતો, કારણ કે ઘેટાં ચરતા તેના પિતા માટે બે દિવસ માટે રોટલીની વ્યવસ્થા કરવી પણ મુશ્કેલ હતી.SS1MS