શાહરુખનાં જન્મદિવસે જ ‘ડંકી’નું ગ્રાન્ડ ટિઝર લોન્ચ થશે

મુંબઈ, બોલિવૂડ લવર્સ માટે આ વર્ષ ખૂબ સારું રહેશે. આ વર્ષે સ્ટાર્સ એકથી એક ધમાકેદાર ફિલ્મો લઇને આવે છે. આ વર્ષે ખાસ કરીને વાત કરવામાં આવે તો શાહરુખનું નામ મોખરે છે. જવાનની વાત હોય કે પછી બીજી કોઇ મુવીની વાત હોય..શાહરુખનું નામ ટોપ પર છે. વર્ષની શરૂઆતમાં પઠાન મુવીએ ૧૦૦૦ કરોડની કમાણી કરી હતી ત્યારબાદ જવાન મુવીએ પણ આ મામલે અનેક રેકોર્ડ બ્રેક કર્યા. આમ, વર્ષના છેલ્લા મહિનાઓમાં કિંગ ખાન અને રાજકુમાર હિરાનીની ફિલ્મ ‘ડંકી’ ક્યારે રિલીઝ થશે એ વાતને લઇને ફેન્સમાં ઉત્સુક્તા વધારે જાેવા મળી રહી છે.

ઉલ્લેખનીય છે કે ફિલ્મના ટીઝરને લઇને એક મોટો ખુલાસો કરવામાં આવ્યો છે જે વિશે જાણીને તમે પણ ઘરમાં નાચવા લાગશો. ફિલ્મના મેકર્સે ‘ડંકી’ મુવીના ટિઝરને રિલીઝ કરવાની વાત કરી છે. આ ટિઝરને રિલિઝ કરવા માટે એક ખાસ દિવસની પસંદગી કરવામાં આવી છે જે છે શાહરુખનો બર્થ ડે. એક અહેવાલ અનુસાર ૨ નવેમ્બરના રોજ શાહરુખ એનો ૫૮મો જન્મદિવસ મનાવશે.

આ ખાસ દિવસે ‘ડંકી’નું ગ્રાન્ડ ટિઝર લોન્ચ થશે. આટલું જ નહીં ફિલ્મના ડાયરેક્ટર રાજકુમાર હિરાણીએ કિંગ ખાનના ફેનને એક ગિફ્ટ પણ આપી છે. રિપોર્ટ અનુસાર ‘ડંકી’ના ટિઝર લોન્ચને શાહરુખ પોતે હોસ્ટ કરશે. જ્યારે સેન્સર બોર્ડે ફિલ્મના ટિઝરને લઇને યુ સર્ટિફિકેટ આપ્યુ છે. આમ, તમને જણાવી દઇએ કે ફિલ્મના બે ટિઝર રિલીઝ થવાના છે.SS1MS