અમદાવાદમાં કાંકરિયા કાર્નિવલનો પ્રારંભઃ જાણીતા કલાકારો મનોરંજન કરાવશે

મુખ્યમંત્રીશ્રીએ આ અવસરે જણાવ્યું હતું કે, માનનીય વડાપ્રધાન અને તત્કાલીન મુખ્યમંત્રી શ્રી નરેન્દ્રભાઈ મોદીએ નગરજનોના આનંદ-પ્રમોદ, સહેલગાહ અને મનોરંજનના ઉદ્દેશ સાથે વર્ષ 2008 માં શરૂ કરાવેલો કાંકરિયા કાર્નિવલ આજે વૈશ્વિક સ્તરે જાણીતો બન્યો છે.

તેમણે ઉમેર્યું હતું કે વર્લ્ડ હેરિટેજ સિટીના આ વર્લ્ડ ફેમસ ફેસ્ટિવલમાં જાણીતા કલાકારો દ્વારા પીરસાતા સાંસ્કૃતિક મનોરંજનની સાથોસાથ આ ઉત્સવ ગરીબ અને મધ્યમ વર્ગના બાળકોને તેમની પ્રતિભા વ્યક્ત કરવાનો મંચ પણ બન્યો છે.

‘વસુધૈવ કુટુમ્બકમ’ થીમ પર આયોજિત આ કાર્નિવલ નૃત્ય, સંગીત, કલા અને મોર્ડન ટેકનોલોજીના માધ્યમથી સમગ્ર વિશ્વ એક કુટુંબ છે એવી ઉમદા ભાવનાને ચરિતાર્થ કરવા જઈ રહ્યો છે. આ અવસરે મહાનુભાવો સહિત સૌ ઉપસ્થિતોએ સ્વચ્છતા અંગે સંકલ્પ લીધા હતા.

મુખ્યમંત્રી શ્રી ભૂપેન્દ્રભાઈ પટેલે અમદાવાદ ખાતે ‘વાઈબ્રન્ટ કાંકરિયા કાર્નિવલ-2023’નો પ્રારંભ કરાવ્યો હતો. આ પ્રસંગે મુખ્યમંત્રીશ્રીના વરદ્હસ્તે અમદાવાદ મહાનગરપાલિકા અને ઔડાના આશરે ₹216 કરોડના કુલ 27 વિકાસ પ્રકલ્પોનું ખાતમુહૂર્ત-લોકાર્પણ કરવામાં આવ્યું હતું. આ ઉપરાંત, મુખ્યમંત્રીશ્રી દ્વારા વર્ચ્યુઅલ માધ્યમથી રીડેવલપમેન્ટ અને પબ્લિક હાઉસિંગ પોલિસી અંતર્ગત 141 આવાસો અને 14 દુકાનોનો ડ્રો કરી

લાભાર્થીઓને પ્રતિકાત્મક સ્વરૂપે આવાસની ચાવી અર્પણ કરવામાં આવી હતી. આ પ્રસંગે મુખ્યમંત્રીશ્રીના હસ્તે અમદાવાદ એઇડ્સ કન્ટ્રોલ સોસાયટીની ‘HIVની સાથે કેવી રીતે જીવીએ’ નામની પુસ્તિકાનું વિમોચન તથા AMCના અમદાવાદ સ્વચ્છતા માસ્કોટનું લોન્ચિંગ પણ કરવામાં આવ્યું હતું.

Padma Shri Shahabuddin Rathore, a highly reputed Gujarati humorist and comedian will be performing live on 27th December 2023.@PMOIndia @CMOGuj @PratibhaJainBJP @PIBAhmedabad @InfoGujarat @VibrantGujarat pic.twitter.com/B3VP5bnXsM

— Amdavad Municipal Corporation (@AmdavadAMC) December 25, 2023