કોરોના વાઈરસ ઇફેક્ટ : કપાસના ભાવમાં મણે રૂ.૧૫૦ નો ઘટાડો થતા અરવલ્લી જીલ્લાના ખેડૂતો લાલઘૂમ 

કેન્દ્ર સરકાર ખેડૂતોની ખેતીની અવાક બમણી કરવાની જોરશોર થી જાહેરાત કરી રહી છે બીજીબાજુ ખેડૂતોને તેમના મહામુલા પાકના પોષણક્ષમ ભાવ ન મળતા દયનિય હાલત બની છે મોંઘાદાટ બિયારણ, જંતુનાશક દવાઓ અને મજૂરીનો તોતિંગ ખર્ચ પણ પાણીમાં જતા ખેડૂતો દેવાના ડુંગર તળે દટાઈ રહ્યા છે  અરવલ્લી-સાબરકાંઠા જીલ્લામાં કપાસનો પાક તૈયાર થઈ જતાં બાયડ, ધનસુરા, મોડાસા, માલપુર, મેઘરજ, ભિલોડા, વિજયનગર, ખેડબ્રહ્મા, વડાલી, ઈડર, હિંમતનગર, તલોદ, પ્રાંતિજના મુખ્ય યાર્ડ અને તેના સબયાર્ડમાં ધીમે ધીમે કપાસની આવક શરૂ થઈ છે

પ્રારંભિક ચાર દિવસ સુધી ખેડૂતોને માર્કેટયાર્ડમાં કપાસના પ્રતિ મણ ભાવ રૂ.૧૦૦૦ થી ૧૧૦૦ રૂપિયા મળતા ખેડૂતોએ મહંદઅંશે હાશકારો અનુભવ્યો હતો પરંતુ ચાર દિવસ પછી કપાસના ભાવમાં પ્રતિ મણ રૂ.૧૦૦ થી ૧૫૦ નો કડાકો બોલાતા પ્રતિ મણ રૂ.૯૦૦ થી ૯૫૦ સુધી જ કપાસનો ભાવ મળતા ખેડૂતોમાં આક્રોશ જોવા મળી રહ્યો છે

મોડાસામાં કપાસની ટેકાના ભાવે ખરીદી કેન્દ્ર શરુ કરવામાં આવેની માંગ  અરવલ્લી જીલ્લામાં ટેકાના ભાવે કપાસ ખરીદી કેન્દ્રના અભાવે ખેડૂતોને નુકશાની વેઠી કપાસ વેચવા મજબુર બન્યા છે કપાસના પોષણક્ષમ ભાવ ન મળતા ખેડૂતોએ મોડાસા સહીત તમામ તાલુકા કક્ષાએ અને સબયાર્ડમાં ટેકના ભાવે ખરીદ કેન્દ્ર શરુ કરવામાં આવે અને પોષણક્ષમ ભાવ મળી રહે તેવી વ્યવસ્થા ઉભી કરવામાં આવેની માંગ પ્રબળ બની છે કપાસના અપૂરતા ભાવના પગલે ખેડૂતોને પડતા પર પાટુ જેવો ઘાટ સર્જાયો હોવાનું જણાવ્યું હતું