બોપલમાં હોર્ડિંગ પડવાથી બે કામદારોના મૃત્યુના અહેવાલ અંગે NHRCએ પોલિસ કમિશ્નર પાસે અહેવાલ માંગ્યો
ગુજરાતના અમદાવાદમાં જાહેરાત હોર્ડિંગ પડવાથી બે કામદારોના મૃત્યુ અને એકને ગંભીર ઇજા થવાના અહેવાલ અંગે NHRC, ભારતે સ્વતઃ નોંધ લીધી
ગુજરાત સરકારના મુખ્ય સચિવ અને અમદાવાદના પોલીસ કમિશનરને નોટિસ જારી કરીને બે અઠવાડિયામાં આ બાબતે વિગતવાર અહેવાલ માંગ્યો
PIB Ahmedabad, રાષ્ટ્રીય માનવ અધિકાર પંચ (NHRC), ભારતે એક મીડિયા અહેવાલની સ્વતઃ નોંધ લીધી છે જેમાં જણાવાયું છે કે ગુજરાતના અમદાવાદના બોપલ વિસ્તારમાં સાત માળની ઇમારતની છત પરથી જાહેરાત હોર્ડિંગ પડવાથી બે કામદારોના મૃત્યુ થયા છે અને એક ગંભીર રીતે ઘાયલ થયો છે. આ ઘટના 27 સપ્ટેમ્બર, 2025ના રોજ બની હતી.
આયોગે અવલોકન કર્યું છે કે મીડિયા અહેવાલની વિગતો, જો સાચી હોય, તો માનવ અધિકાર ઉલ્લંઘનનો ગંભીર મુદ્દો ઉઠાવે છે. તેથી, તેણે ગુજરાત સરકારના મુખ્ય સચિવ અને અમદાવાદના પોલીસ કમિશનરને નોટિસ જારી કરીને બે અઠવાડિયામાં આ બાબતે વિગતવાર અહેવાલ માંગ્યો છે.
29 સપ્ટેમ્બર, 2025ના રોજ પ્રસારિત થયેલા મીડિયા અહેવાલ મુજબ, લગભગ 15 મજૂરો એક રહેણાંક મકાન પર લગભગ 80 ફૂટ ઉપર હોર્ડિંગ લગાવી રહ્યા હતા ત્યારે તે ધરાશાયી થયું. નીચે પડી ગયેલા દસ કામદારોમાંથી બેનું મૃત્યુ થયું હતું જ્યારે એક ગંભીર રીતે ઘાયલ થયો હતો અને સાત અન્ય લોકોને સામાન્ય ઇજાઓ થઈ હતી. ઘાયલોને સારવાર માટે હોસ્પિટલમાં દાખલ કરવામાં આવ્યા હતા.
