માલપુર પાસે એક ટ્રેક્ટર અને ટ્રક અકસ્માતમાં વાત્રક નદીમાં પડી જતા ડૂબી જવાથી બે મુસાફરોના મોત:અન્ય 18 ઘાયલ
મોડાસા: અરવલ્લી જિલ્લામાં માલપુર પાસે એક ટ્રેક્ટર અને ટ્રક અકસ્માતમાં વાત્રક નદીમાં પડી જતા ડૂબી જવાથી બે મુસાફરોના મોત: થયા હતા અન્ય 18 ઘાયલ લોકોની સારવાર ચાલી રહી છે.કોઈ શુભ લગ્ન પ્રસંગે જઈ રહેલા ઉતારુઓ ભરેલા ટ્રેક્ટરને આ અકસ્માત વાત્રક નદીના પુલ ઉપર નડ્યો હતો.
હમણાં હમણાંથી ગુજરાત સહિત દેશમાં માર્ગ અકસ્માતની ઘટનાઓ વધતી જતી રહે છે. આવી જ એક ઘટના ઉત્તર ગુજરાતમાં આવેલા અરવલ્લી જિલ્લામાં બની છે. જ્યાં માલપુર પાસે વાત્રક નદીના પુલ ઉપરથી પસાર થઈ રહેલા એક ટ્રેક્ટર અને ટ્રક વચ્ચે અકસ્માત થયા બાદ ટ્રેક્ટરમાં બેઠેલા લોકો અકસ્માતે નદીમાં પડ્યા હતા.
આ ઘટનામાં આશરે 20 લોકો ઈજાગ્રસ્ત થયા હતા.જેમાં ખૂબ શોધખોળના અંતે બે વ્યક્તિઓના મૃતદેહ મળી આવ્યા હતા. નદીમાં ખાબકનારા તમામ લોકો લગ્ન પ્રસંગમાં હાજરી આપવા જતા હતા.
મળતી માહિતી પ્રમાણે સોમવારે મોડી સાંજે અરવલ્લી જિલ્લામાં એક ટ્રેક્ટરમાં બેસીને આશરે 20થી વધુ લોકો લગ્ન પ્રસંગમાં હાજરી આપવામાં માટે નીકળ્યા હતા. તેઓ જ્યારે માલપુર પાસે આવેલી વાત્રક નદી ઉપરથી પસાર થઈ રહ્યા હતા ત્યારે ટ્રેક્ટર અને ટ્રક વચ્ચે અકસ્માત થયો હતો. જેના પગલે ટેક્ટરમાં બેઠલા લોકો 50 ફૂટ ઊંડી નદીમાં ખાબક્યા હતા. જેના પગલે ત્રણ યુવકો ડૂબ્યા હતા. જેમાંથી બેન મૃતદેહ મળી આવ્યા હતા જ્યારે 18થી વધુ લોકોને ઈજાઓ પહોંચી હતી.
