ઈરાનથી મુસલમાન સાઉદી અરેબિયાના મક્કા પહોંચ્યા

નવી દિલ્હી, નવ વર્ષમાં આ પ્રથમ વખત છે જ્યારે ઈરાની મુસ્લિમો ઉમરાહ માટે સાઉદી અરેબિયા પહોંચી રહ્યા છે. સોમવારે ઈરાનની સત્તાવાર સમાચાર એજન્સીએ અહેવાલ આપ્યો હતો કે ઈરાની મુસ્લિમોનું પહેલું જૂથ ઉમરાહ માટે સાઉદી રવાના થઈ ગયું છે.

આ એ વાતનો સંકેત છે કે ઈઝરાયેલ અને ઈરાન વચ્ચે ચાલી રહેલા તણાવ વચ્ચે સાઉદી-ઈરાનના સંબંધોમાં સુધારો થઈ રહ્યો છે.ઈરાની મીડિયાએ ગયા વર્ષે ડિસેમ્બર મહિનામાં માહિતી આપી હતી કે સાઉદી અરેબિયાએ ઉમરાહ કરવા ઈચ્છતા ઈરાનીઓ પરનો પ્રતિબંધ હટાવી લીધો છે.

પરંતુ સોમવાર પહેલા એક પણ ઈરાની ઉમરાહ માટે જઈ શક્યો ન હતો. ઈરાને કહ્યું કે ‘ટેકનિકલ સમસ્યાઓ’ના કારણે ફ્લાઈટ્‌સ મોડી થઈ રહી છે.ઉમરાહ પરનો પ્રતિબંધ હટાવ્યા બાદ ઈરાનના ૮૫ મુસ્લિમો સાઉદી અરેબિયા જવા રવાના થયા છે.

સોમવારે જ્યારે તેઓ તેહરાનના મુખ્ય એરપોર્ટથી સાઉદી જવા રવાના થઈ રહ્યા હતા ત્યારે ઈરાનમાં સાઉદીના રાજદૂત અબ્દુલ્લા બિન સઈદ અલ-અંજી પણ ત્યાં હાજર હતા.સાઉદી અને ઈરાન વચ્ચેના સંબંધોને સામાન્ય બનાવવામાં ચીને મોટી ભૂમિકા ભજવી છે.

માર્ચ ૨૦૨૩ માં ચીન દ્વારા મધ્યસ્થી કરાયેલા કરાર હેઠળ, બંને દેશોએ તેમના રાજદ્વારી સંબંધો પુનઃસ્થાપિત કર્યા છે.વર્ષ ૨૦૧૬માં સાઉદી અરેબિયાએ એક શિયા મૌલવીને ફાંસી આપી હતી, જેના કારણે શિયા પ્રભુત્વ ધરાવતું ઈરાન ખૂબ જ નારાજ હતું અને ત્યાંના લોકો સાઉદી વિરુદ્ધ રસ્તા પર ઉતરી આવ્યા હતા.

પ્રદર્શનકારીઓએ રાજધાની તેહરાનમાં સાઉદી દૂતાવાસ પર હુમલો કર્યો, ત્યારબાદ બંને દેશોએ રાજદ્વારી સંબંધો તોડી નાખ્યા.જોકે સંબંધો ખરાબ હતા ત્યારે પણ ઈરાની મુસ્લિમોને હજ માટે સાઉદી અરેબિયાના મક્કા શહેરમાં આવવાની મંજૂરી આપવામાં આવી હતી.

હજ એ એક ધાર્મિક ફરજ છે જે મુસ્લિમો માટે ફરજિયાત માનવામાં આવે છે જે જીવનમાં એક જ વાર નિભાવવી જોઈએ. જ્યારે ઉમરાહ આખા વર્ષ દરમિયાન થાય છે, ત્યારે હજ વર્ષના ચોક્કસ સમયે થાય છે. દરેક દેશમાં હજ માટે વાર્ષિક ક્વોટા હોય છે.SS1MS