ગુજરાત ટાઈટન્સને મુંબઈ ઈન્ડિયન્સે ૫૫ રને કચડ્યું

નવી દિલ્હી, બેટિંગ અને બોલિંગમાં લાજવાબ પ્રદર્શનની મદદથી ગુજરાત ટાઈટન્સે મુંબઈ ઈન્ડિયન્સ સામે ૫૫ રને વિજય નોંધાવ્યો હતો. આ વિજય સાથે ગુજરાતની ટીમ પોઈન્ટ ટેબલમાં ચેન્નઈ સુપર કિંગ્સ બાદ બીજા ક્રમે આવી ગઈ છે.

આઈપીએલ ટી૨૦ ક્રિકેટ ટુર્નામેન્ટ ૨૦૨૩માં મંગળવારે અમદાવાદના નરેન્દ્ર મોદી સ્ટેડિયમમાં ગુજરાત અને મુંબઈ વચ્ચે મુકાબલો રમાયો હતો. ગુજરાતની ટીમે હોમગ્રાઉન્ડમાં બોલિંગ અને બેટિંગ બંનેમાં શાનદાર પ્રદર્શન કરીને પોતાના ચાહકોનું ભરપૂર મનોરંજન કર્યું હતું. મુંબઈ ઈન્ડિયન્સે ટોસ જીતીને ગુજરાતને પ્રથમ બેટિંગનું આમંત્રણ આપ્યું હતું. IPL 2023 GT vs MI

ગુજરાતે નિર્ધારીત ૨૦ ઓવરમાં છ વિકેટ ૨૦૭ રનનો મોટો સ્કોર નોંધાવ્યો હતો. જેના જવાબમાં મુંબઈની ટીમ ૨૦ ઓવરમાં નવ વિકેટે ૧૫૨ રન જ નોંધાવી શકી હતી. મુંબઈ સામે ૨૦૮ રનનો લક્ષ્યાંક હતો પરંતુ ગુજરાતની શાનદાર બોલિંગ સામે મુંબઈના બેટર્સ ફ્લોપ રહ્યા હતા. કેપ્ટન રોહિત શર્મા બે, ઈશાન કિશન ૧૩, કેમેરોન ગ્રીન ૩૩ અને તિલક વર્મા બે રન નોંધાવીને આઉટ થયા હતા. જ્યારે સૂર્યકુમાર યાદવ ૨૩ રન નોંધાવીને પેવેલિયન ભેગો થયો હતો.

ટીમ માટે નેહલ વાઢેરાએ ૨૧ બોલમાં ત્રણ ચોગ્ગા અને ત્રણ સિક્સરની મદદથી ૪૦ રન ફટકાર્યા હતા પરંતુ તેનાથી ટીમને કોઈ ફાયદો થયો ન હતો. ગુજરાત માટે નૂર અહેમદે ત્રણ તથા રાશિદ ખાન અને મોહિત શર્માએ બે-બે વિકેટ ઝડપી હતી. જ્યારે હાર્દિક પંડ્યાએ એક વિકેટ પોતાના નામે કરી હતી.

મુંબઈ ઈન્ડિયન્સે ટોસ જીતીને ગુજરાત ટાઈટન્સને પ્રથમ બેટિંગનું આમંત્રણ આપ્યું હતું. જાેકે, ત્રીજી જ ઓવરમાં ટીમને પ્રથમ ઝટકો લાગ્યો હતો. રિદ્ધિમાન સહા ચાર રન નોંધાવીને આઉટ થયો હતો. જ્યારે કેપ્ટન હાર્દિક પંડ્યા ૧૩ રન નોંધાવીને પેવેલિયન ભેગો થયો હતો. જાેકે, ઓપનર શુભમન ગિલે એક છેડો જાળવી રાખ્યો હતો. તેણે શાનદાર બેટિંગ કરતાં અડધી સદી ફટકારી હતી. શુભમન ગિલે ૩૪ બોલમાં સાત ચોગ્ગા અને એક સિક્સરની મદદથી ૫૬ રનની ઈનિંગ્સ રમી હતી.

જ્યારે વિજય શંકર ૧૯ રન નોંધાવીને આઉટ થયો હતો. ૧૨.૨ ઓવરમાં ટીમનો સ્કોર ચાર વિકેટે ૧૦૧ રન હતો. પરંતુ બાદમાં ડેવિડ મિલર અને અભિનવ મનોહર તથા રાહુલ તેવટિયાએ તોફાની અંદાજમાં બેટિંગ કરી હતી. આ ત્રણેય બેટ્‌સમેને કરેલી ઝંઝાવાતી બેટિંગની મદદથી જ ટીમ ૨૦૦થી વધુ રનનો સ્કોર નોંધાવી શકી હતી. મિલરે ૨૨ બોલમાં બે ચોગ્ગા અને ચાર સિક્સરની મદદથી ૪૬ રન ફટકાર્યા હતા.

જ્યારે અભિનવ મનોહરે ૨૧ બોલમાં ત્રણ ચોગ્ગા અને ત્રણ સિક્સરની મદદથી ૪૨ રનની ઈનિંગ્સ રમી હતી. તેવટિયાએ પાંચ બોલમાં ૨૦ રન ફટકાર્યા હતા જેમાં ત્રણ સિક્સર સામેલ હતી. મુંબઈ માટે પિયુષ ચાવલાએ બે તથા અર્જુન તેંડુલકર, બેહરેન્ડોર્ફ, રિલી મેરેડિથ અને કુમાર કાર્તિકેયે એક-એક વિકેટ ઝડપી હતી.SS1MS