નાગપુરમાં બેઠેલા લોકો આખા દેશને કંટ્રોલ કરવાની કોશિશ કરી રહ્યાં છે : રાહુલ ગાંધી
ડિબ્રુગઢ: કોંગ્રેસના સાંસદ રાહુલ ગાંધીએ ભારતીય જનતા પાર્ટી અને આરએસએસ પર સમગ્ર દેશ પર તેમની સમજ લાદવાનો આક્ષેપ કર્યો છે. શુક્રવારે આસામ પહોંચેલા રાહુલ ગાંધીએ અહીં ડિબ્રુગઢના લાહૌલમાં કોલેજના વિદ્યાર્થીઓ સાથેની વાતચીતમાં જણાવ્યું હતું કે દેશમાં લોકશાહી નબળી પડી રહી છે. આસામની સંસ્કૃતિ પણ હુમલો કરી રહ્યાં છે, આરએસએસ અને ભાજપના લોકો તેમની વિચારસરણીને અહીંના લોકો પર લાદવા માગે છે, જે ચાલશે નહીં.
રાહુલે વિદ્યાર્થીઓ સાથેની વાતચીતમાં કહ્યું, “જાે આસામના લોકો દિલ્હી આવે છે, તો અમે આસામના લોકોને તેમની સંસ્કૃતિ, ભાષા ભૂલી જવાનું કહી શકતા નથી, તેઓ તેઓને આપણા જેવા બનવા માટે કહી શકતા નથી.” નાગપુર (આરએસએસ) માં બેઠેલા લોકો આખા દેશને અંકુશમાં લેવાનો પ્રયાસ કરી રહ્યા છે. રાહુલે કહ્યું કે લોકશાહીનો નાશ થઈ રહ્યો છે. લોકશાહીનો અર્થ એ છે કે આસામના લોકોએ આસામનો અવાજ ઉઠાવવો જાેઈએ અને સમજી લેવું જાેઈએ કે બીજું કોઈ કાબુ કરી શકે નહીં.
રાહુલે વિદ્યાર્થીઓને રાજકારણમાં સક્રિય રહેવા અપીલ કરી હતી અને કહ્યું હતું કે જાે આપણે વિદ્યાર્થીઓને કોઈપણ ર્નિણય, રાજકારણમાં સામેલ ન કરીએ તો તે લોકશાહી વસ્તુ નહીં હોય. મને લાગે છે કે વધુને વધુ યુવાનોએ રાજકારણમાં આવવું જાેઈએ. રાજકારણમાં સક્રિયપણે ફાળો આપવો જાેઈએ. જ્યાં પણ તમને લાગે છે કે આસામની ચોરી થઈ રહી છે, તમારે આસામ માટે લડવું જાેઈએ પણ પ્રેમથી લડવું જાેઈએ, લાકડીઓની મદદથી નહીં.
કોંગ્રેસના પૂર્વ અધ્યક્ષ રાહુલ ગાંધીએ કેન્દ્ર સરકાર પર નિશાન સાધ્યુ છે. તેમણે કહ્યુ છે કે કોઈ યોજના વિના જે લૉકડાઉન એક વર્ષ પહેલા દેશમાં લાગુ કરવામાં આવ્યુ હતુ તેનો ત્રાસ આજે પણ ચાલુ છે અને આ ત્રાસથી દેશની જનતા સૌથી વધુ પીડિત થઈ છે. રાહુલ ગાંધીએ કહ્યુ કે લૉકડાઉનમાં લાખો પરિવારોની જિંદગીઓ ખરાબ થઈ ગઈ. મારી સંવેદનાઓ એ પરિવારો સાથે છે જે માયોપિયા અને ભારત સરકારી અસક્ષમતાના કારણે આજે પણ પીડામાંથી પસાર થઈ રહ્યા છે.
રાહુલ ગાંધીએ યુનિસેફના એ રિપોર્ટ માટે કેન્દ્ર સરકાર પર નિશાન સાધ્યુ છે જેમાં દાવો કરવામાં આવ્યો છે કે ભારતમાં લૉકડાઉનના કારણે શિશુ મૃત્યુ દર અને માતૃ મૃત્યુ દરમાં ભારે વધારો નોંધવામાં આવ્યો છે. તમને જણાવી દઈએ કે ‘કોવિડ-૧૯ મહામારીનો પ્રત્યક્ષ અને પરોક્ષ પ્રભાવ અને દક્ષિણ એશિયાની પ્રતિક્રિયા’ નામના એક રિપોર્ટમાં યુનિસેફે આ દાવો કર્યો છે.
આ રિપોર્ટમાં દક્ષિણ એશિયાના ૬ સૌથી ગીચ વસ્તીવાળા દેશનુ વર્ણન આપવામાં આવ્યુ છે. આ રિપોર્ટ દક્ષિણ એશિયાના યુનિસેફના ક્ષેત્રીય કાર્યાલય દ્વારા તેયાર કરવામાં આવ્યો છે. તમને જણાવી દઈએ કે ભારતમાં લૉકડાઉનનો ઘણો નકારાત્મક પ્રભાવ જાેવા મળ્યો હતો. લૉકડાઉનમાં પ્રવાસી મજૂરો માટે સૌથી મોટો પડકાર પોતાના ઘર સુધી પહોંચવાનો હતો. લોકો પોત-પોતાના ઘરે પગપાળા જવા માટે રસ્તા પર નીકળી પડ્યા હતા.રાહુલ ગાંધીએ કહ્યું હતું કે કેન્દ્રની મોદી સરકાર માત્ર ઉદ્યોગપતિઓ માટે કામ કરી રહી છે મોદી સરકારને ગરીબ મધ્યમ વર્ગની કોઇ પડી નથી કિસાનો બે મહીનાથી આંદોલન કરી રહ્યાં છે પરંતુ મોદી સરકાર પોતાના અહંકારને કારણે તેમની સાથે વાત પણ કરવા તૈયાર નથી
રાહુલે અહીંના વિદ્યાર્થીઓને કહ્યું હતું કે તમને આસામમાં વહેંચવામાં આવી રહ્યું છે. એક ધર્મ સાથે બીજા ધર્મ સાથે લડીને. એક વ્યક્તિ સાથે બીજાની લડ્યા પછી અને તે પછી તમારું જે કંઈ છે, એરપોર્ટ છે, ચાનો બગીચો છે, તે બધા વેચીને તેમના મિત્રોને આપવામાં આવી રહ્યા છે.
કેરળના વાયનાડથી કોંગ્રેસના સાંસદ રાહુલ ગાંધી આજે સવારથી જ આસામના બે દિવસીય પ્રવાસ પર ડિબ્રુગટ્ઠરિ પહોંચ્યા હતાં. રાહુલ ગાંધી બે દિવસમાં અનેક સભાઓ અને જાહેર સભાઓ કરશે. તે ડિબ્રુગઢમાં ચા એસ્ટેટના કર્મચારીઓ સાથે વાત કરશે. આ ઉપરાંત, ગાંધી, ટિન્સુકિયાના ટાઉનમાં એક જાહેર સભાને સંબોધન કરશે. રાહુલની રેલી જાેરહટ જિલ્લાના મરિયાની અને સોનીતપુરના ગોહપુર ખાતે પણ યોજાશે.
આસામની ત્રણ તબક્કામાં ૧૨૬ બેઠકો માટે ચૂંટણી યોજાઈ રહી છે. રાજ્યમાં ૨૭ માર્ચ, ૧ એપ્રિલ અને ૬ એપ્રિલના રોજ મતદાન થશે. ચૂંટણીના પરિણામો ૨ મેના રોજ જાહેર કરવામાં આવશે. ભારતીય જનતા પાર્ટીએ રાજ્યમાં ૨૦૧૬ ની વિધાનસભાની ચૂંટણીમાં ૬૦ બેઠકો જીતીને સરકારની રચના કરી હતી.
