દિલ્હીમાં ૩૦મી સુધી રાત્રે ૧૦થી સવારે ૫ સુધી કર્ફ્યુ
નવી દિલ્હી: કોરોના વાયરસને પહોંચી વળવા માટે પાટનગર દિલ્હીમાં નાઇટ કર્ફ્યુ લગાવાશે. દિલ્હી સરકારે ૩૦ એપ્રિલ સુધી રાત્રે ૧૦ વાગ્યાથી સવારે ૫ વાગ્યા દરમિયાન કર્ફ્યુ લગાવવાનો આદેશ આપ્યો છે. આ સમય દરમિયાન જરૂરી સેવાઓ અને ઈમરજન્સી મૂવમેન્ટને મંજૂરી આપવામાં આવશે, પરંતુ અન્ય લોકો રાત્રિ કરફ્યુ દરમિયાન બહાર નીકળી શકશે નહીં.
મુખ્યમંત્રી અરવિંદ કેજરીવાલ અને આરોગ્યમંત્રી સત્યેન્દ્ર જૈન ઘણીવાર કહી ચૂક્યા છે કે, લોકડાઉન કોઈ સમાધાન નથી. આવી સ્થિતિમાં નાઇટ કરફ્યુ દ્વારા કોરોનાને રોકવાનો પ્રયાસ કરવામાં આવી રહ્યો છે. સોમવારે કોરોના વાયરસનો પોઝિટિવિટી રેટ ૫% કરતા વધી ગયો ત્યારબાદ સરકારે તાત્કાલિક આ પ્રકારનું પગલું ભરવું પડ્યું. વર્લ્ડ હેલ્થ ઓર્ગેનાઇઝેશનના જણાવ્યા મુજબ ૫% કરતા ઓછો પોઝિટિવિટી રેટ સુરક્ષિત છે.
રાત્રિના કર્ફ્યુ દરમિયાન આવશ્યક સેવાઓ સાથે જાેડાયેલા લોકો સિવાયના પર બહાર નીકળવા પર પ્રતિબંધ રહેશે
સરકારે આ અંગે લિસ્ટ બહાર પાડી છે, જેમને નાઇટ કર્ફ્યુમાંથી મુક્તિ આપવામાં આવી છે, તેઓને ઘણી કેટેગરીમાં વહેંચવામાં આવ્યા છે. અધિકારીઓએ આઈકાર્ડ બતાવવું પડશે, જ્યારે એક કેટેગરી પણ બનાવવામાં આવી છે જેમાં લોકોને ઇ-પાસ લેવો પડશે.
ઈન્ટરસ્ટેટ અને ઈન્ટરસ્ટેટ મૂવમેન્ટ અને ટ્રાન્સપોર્ટેશન (માલ) પર પ્રતિબંધ મૂકાશે નહીં. આ માટે કોઈ અલગ મંજૂરી અથવા ઇ-પાસની જરૂર રહેશે નર્હીં નાઈટ કરફ્યુ તાત્કાલિક અસરથી અમલમાં આવી ગયો છે અને જે ૩૦ એપ્રિલ સુધી અમલમાં રહેશે. મુખ્ય સચિવ દ્વારા જારી કરાયેલા આદેશમાં જણાવાયું છે કે દિલ્હીના લોકોની સલામતીને લઈને આ પગલું લેવામાં આવ્યું છે, કારણ કે દિલ્હીમાં કોરોના કેસોમાં મોટો ઉછાળો જાેવા મળ્યો છે.
દિલ્હીના મુખ્યમંત્રી અરવિંદ કેજરીવાલે વડાપ્રધાન નરેન્દ્ર મોદીને પત્ર લખીને કોરોના નિયંત્રણ માટે વેક્સિનેશનની વયમર્યાદા નાબૂદ કરવાની માંગ કરી છે. કેજરીવાલે લખ્યું છે કે વધુ પ્રમાણમાં લોકોને રસી અપાશે તો કોરોના ફાટી નીકળવાની ગતિ જેટલી ઓછી રહેશે. દિલ્હી સહિત દેશભરમાં કોરોના વધતા જતા કેસોએ નવી ચિંતા અને પડકાર રજૂ કર્યો છે.
આવી સ્થિતિમાં રસીકરણ અભિયાન યુદ્ધના ધોરણે ચલાવવું પડશે. જાે નવા કેન્દ્રો ખોલવાના નિયમોને સરળ બનાવવામાં આવે અને બધાને રસી આપવામાં આવે તો દિલ્હી સરકાર ત્રણ મહિનાની અંદર તમામ દિલ્હીવાસીઓને રસી આપી શકે છે. નિયમો અનુસાર રસીકરણ કેન્દ્રો ફક્ત હોસ્પિટલો અથવા દવાખાનામાં જ સ્થાપિત કરી શકાય છે.
મુખ્યમંત્રીએ પીએમને લખ્યું હતું કે રસીકરણ ત્રણ મહિનાથી ચાલી રહ્યું છે અને તે સ્પષ્ટ થઈ ગયું છે કે રસી સુરક્ષિત છે. આવી સ્થિતિમાં હવે આ શરત દૂર કરવી જાેઈએ અને શાળાઓ, સામુદાયિક ઇમારતો અને અન્ય સ્થળોએ રસીકરણ કેન્દ્રો મોટા પાયે બનાવવાની મંજૂરી આપવી જાેઈએ.
