અંતરિક્ષમાં માણસો જન્મ લેશે, ફરવા પૃથ્વી પર આવશે
વોશિંગટન, અંતરિક્ષ પર રાજ કરવા માટે ખજાનો ખોલી ચૂકેલા વિશ્વના બીજા ધનવાન વ્યક્તિ જેફ બેજાેસે ભવિષ્યવાણી કરી છે કે, એક દિવસ અંતરિક્ષમાં માણસો જન્મશે. એટલું જ નહીં અંતરિક્ષમાં જન્મેલા માણસો ધરતી પર રજાઓ ગાળવા માટે આવશે, જેવી રીતે આપણે પાર્કમાં જઈએ છીએ તેમ. સ્પેસ કંપની બ્લૂ ઓરિજિનના માલિક જેફ બેજાેસે કહ્યું કે, ભવિષ્યમાં અંતરિક્ષમાં શહેરો વસશે અને અહીં જ માણસોના જન્મ થશે.
વોશિંગટનમાં બ્લૂ ઓરિજિનના ભવિષ્યને લઈને આયોજિત એક ચર્ચામાં જેફ બેજાેસે કંપનીની યોજનાઓ, અંતરિક્ષમાં શોધ, ધરતીને બચાવવા જેવા વગેરે મુદ્દા પર પોતાના મંતવ્યો રજૂ કર્યા હતા. તેઓએ અંતરિક્ષમાં શહેરોને લઈને કહ્યું કે એક રીતે જાેવા જઈએ તો તે તરતા ઘરો જેવા હશે. જ્યાં પૃથ્વીના વાતાવરણ અને ગુરૂત્વાકર્ષણની નકલ કરવામાં આવશે.
આ તરતા ઘરોમાં ૧૦ લાખ લોકો રહી શકશે અને ત્યાં નદીઓ, જંગલ અને વન્યજીવો પણ હશે. બેજાેસે કહ્યું કે, સદીઓ સુધી સ્પેસમાં લોકો જન્મશે અને અહીં તેઓનું પહેલું ઘર હશે. તેઓ અંતરિક્ષમાં ઊભી કરવામાં આવેલી વસાહતોમાં જન્મશે અને એ પછી તેઓ ધરતીની યાત્રા કરશે. આ બધુ એવું હશે કે જેવી રીતે આપણે રજાઓ ગાળવા માટે યલોસ્ટોન નેશનલ પાર્કમાં જઈએ છીએ. બેજાેસે કહ્યું કે, જ્યારે તે અભ્યાસ કરી રહ્યા હતા ત્યારે તેમણે પોતાના ભાષણમાં પહેલીવાર અંતરિક્ષમાં માનવ વસવાટની યોજના પર વિચાર રજૂ કર્યા હતા.
એમેઝોન કંપનીના માલિક જેફ બેજાેસે કહ્યું કે, કોઈ બીજા ગ્રહ પર જઈને ત્યાં જીવનની શરૂઆત કરવાથી સારૂ એ છે કે, અંતરિક્ષમાં માનવ વસવાટ ઊભો કરવામાં આવે. બેજાેસે કહ્યું કે, જાે મંગળ ગ્રહને બદલી નાખીએ તો એક નાટકની જેમ ખૂબ જ પડકારજનક હશે અને એક બીજી પૃથ્વી બનાવવા જેવું હશે. પછી ત્યાં ૧૦-૨૦ અબજ લોકો રહી શકશે.
મહત્વનું છે કે, ધરતીની બહાર જીવનને કેવી રીતે વિકસિત કરવામાં આવે, એે મુદ્દાને લઈને બેજાેસ અને તેમના કટ્ટર વિરોધી અબજાેપતિ એલન મસ્ક વચ્ચે વાકયુદ્ધ ચાલી રહ્યું છે. એલન મસ્ક બેજાેસને પછાડીને આ વિશ્વના સૌથી ધનવાન વ્યક્તિ બની ગયા છે. મસ્કની સ્પેસ કંપની સ્પેસએક્સનો મુખ્ય ઉદ્દેશ મંગળ ગ્રહ પર માનવ વસવાટ ઊભો કરવાનો છે. આ રીતે બેજાેસે અંતરિક્ષમાં માનવ વસવાટની વાતને લઈને એલન મસ્ક પર કટાક્ષ કર્યો હતો.HS
