બિહાર, ઝારખંડ અને પશ્ચિમ બંગાળમાં એનઆરસી લાવવા બીજેપી સાંસદની માંગ
નવીદિલ્હી, ઝારખંડના બીજેપી સાંસદ નિશિકાંત દુબેએ સંસદમાં ઝીરો અવર દરમિયાન NRCને લઈને મોટી માંગ કરી હતી. સાંસદ નિશિકાંત દુબેએ સરકાર પાસે માંગ કરી કે ઝારખંડ, પશ્ચિમ બંગાળ અને બિહારના કેટલાક વિસ્તારોમાં NRC લાગુ કરવામાં આવે.
તેમણે કહ્યું કે આ વિસ્તારોમાં રહેતા સ્થાનિક લોકો બાંગ્લાદેશી ઘૂસણખોરોથી પરેશાન છે અને એનઆરસી લાગુ કરીને આપણે આઝાદી મેળવી શકીએ છીએ. તેમણે કહ્યું કે ઝારખંડ અને બિહારના કેટલાક વિસ્તારોમાં બાંગ્લાદેશી ઘૂસણખોરોના કારણે અહીંની વસ્તી બદલાઈ રહી છે.
ઝીરો અવર દરમિયાન, સાંસદ નિશિકાંત દુબેએ કહ્યું કે જ્યારે ઝારખંડમાં અમારી સરકાર હતી, ત્યારે અમારા મુખ્ય પ્રધાને સરકારને અમુક જિલ્લાઓમાં NRC લાગુ કરવાની માંગ કરી હતી. હું સરકારને વિનંતી કરું છું કે ઝારખંડ, બિહાર અને પશ્ચિમ બંગાળના કેટલાક વિસ્તારોમાં NRC લાવે અને આપણે બાંગ્લાદેશી ઘૂસણખોરોથી છૂટકારો મેળવીશું.
ઉદ્ધવ ઠાકરેની આગેવાની હેઠળની સરકારના કરિયાણાની દુકાનો પર દારૂના વેચાણને મંજૂરી આપવાના ર્નિણયની ટીકા કરતા, સ્વતંત્ર સાંસદ નવનીત રવિ રાણાએ મહારાષ્ટ્ર સરકારને એક મહત્વપૂર્ણ ર્નિણય લેવા વિનંતી કરી. તેમણે એમ પણ કહ્યું કે રાજ્ય સરકારે બાળકો અને મહિલાઓના ભવિષ્યને બગાડે તેવા ર્નિણયો ન લેવા જાેઈએ. કે જયકુમાર (કોંગ્રેસ)નું માનવું હતું કે ખોરાકની નીતિ એકસમાન હોવી જાેઈએ.HS
