Western Times News

Latest News from Gujarat India

શરદ પવારને જાનથી મારી નાખવાની ધમકી મળતા સરકારમાં હલચલ મચી ગઇ

મુંબઇ, જાનથી મારી નાખવાની ધમકીઃ રાષ્ટ્રવાદી કોંગ્રેસ પાર્ટીના અધ્યક્ષ શરદ પવારને થોડા દિવસો પહેલા સોશિયલ મીડિયા પર ‘જાનથી મારી નાખવાની ધમકીઓ’ મળી હતી, જેણે મહા વિકાસ આઘાડી સરકારમાં હલચલ મચાવી દીધી છે.

એનસીપી સુપ્રીમોનો ઉલ્લેખ કરતા મરાઠીમાં ૧૧ મેની ધમકીમાં કહેવામાં આવ્યું હતું કે, “બારામતીના ‘ગાંધી’ અને બારામતી માટે નાથુરામ ગોડસેને તૈયાર કરવાનો સમય આવી ગયો છે.” આ ટ્‌વીટ નિખિલ ભામરે દ્વારા પોસ્ટ કરવામાં આવ્યું હતું, જેમાં એમ પણ લખવામાં આવ્યું હતું, “બારામતી કાકા, માફ કરશો.”

જાે કે ધમકીઓ કયા સંદર્ભમાં આપવામાં આવી હતી તે સ્પષ્ટ નથી, પરંતુ છેલ્લા કેટલાક દિવસોમાં તેને ઘણા લોકો દ્વારા પસંદ અને ટિ્‌વટ કરવામાં આવી છે.

આ મામલાની ગંભીર નોંધ લેતા એનસીપી હાઉસિંગ મંત્રી જિતેન્દ્ર આવ્હાડે આ બાબતે ખેદ વ્યક્ત કર્યો હતો અને પોલીસને ધમકી આપનાર વ્યક્તિ સામે કડક કાર્યવાહી કરવા જણાવ્યું હતું. તેમણે મહારાષ્ટ્રના પોલીસ મહાનિર્દેશક અને મુંબઈ, થાણે અને પુણેના પોલીસ કમિશનરોનું પણ ધ્યાન દોર્યું હતું.

ચિંતા વ્યક્ત કરતાં શિવસેનાના પ્રવક્તા મનીષા કાયંદેએ જણાવ્યું હતું કે પવારને મારી નાખવાની ધમકીઓ પાછળ કઈ ટીમનો હાથ છે તે અંગે અનુમાન કરવાની જરૂર નથી કારણ કે “દરેક જણ જાણે છે કે ગોડસેની પૂજા કોણ કરે છે” અને ગૃહ પ્રધાન દિલીપ વાલસે-પાટીલ ગંભીરતાથી ધ્યાન આપે છે.

કોંગ્રેસના પ્રદેશ મહાસચિવ સચિન સાવંતે કહ્યું કે, ભારતીય જનતા પાર્ટી અને સંઘ પરિવારના સમાજને હિંસક અને વિકૃત બનાવવાના પ્રયાસોએ દેશને ક્યાં ધકેલી દીધો છે તે અંગે લોકોએ વિચારવાનો સમય આવી ગયો છે.

સત્તાધારી શિવસેના-એનસીપી-કોંગ્રેસના અન્ય કેટલાક રાજકીય નેતાઓએ પણ ૮૧ વર્ષીય પવારને આપવામાં આવેલી ધમકીઓની નિંદા કરવા માટે સોશિયલ મીડિયા નેટવર્ક્‌સનો ઉપયોગ કર્યો છે.HS

Copyright © All rights reserved. | Developed by Aneri Developers