Western Times News

Latest News from Gujarat India

લોસ એન્જલસના ચર્ચમાં ગોળીબાર થતાં એકનું મોત

લોસ એન્જેલસ, અમેરિકાના લોસ એન્જેલસ ખાતે એક ચર્ચમાં ગોળીબાર થતા એક વ્યક્તિનું મોત થયું છે અને ૪ લોકો ગંભીર રીતે ઘાયલ હોવાનું કહેવામાં આવી રહ્યું છે.

ઓરેન્જ કાઉન્ટી શેરિફ વિભાગે ટ્‌વીટ કરીને આ ઘટનાની માહિતી આપી હતી. આ ઘટનામાં ૪ પીડિતો ગંભીર રીતે ઘાયલ થયા છે અને એક વ્યક્તિનું ઘટનાસ્થળે જ મોત થયું હતું.

જ્યારે અન્ય એક વ્યક્તિને સામાન્ય ઈજાઓ થઈ હતી. શેરિફ ડિપાર્ટમેન્ટે અગાઉની ટ્‌વીટમાં કહ્યું હતું કે, ‘અમે એક વ્યક્તિની ધરપકડ કરી અને એક હથિયાર કબજે કર્યું છે જેનો ઉપયોગ કરવામાં આવ્યો હોઈ શકે છે’.

કેલિફોર્નિયાના ગવર્નર ગેવિન ન્યૂઝમની ઓફિસે કહ્યું હતું કે, તે પરિસ્થિતિ પર નજર રાખવા માટે સ્થાનિક અધિકારીઓ સાથે કામ કરી રહી છે. ઓફિસે ટ્‌વીટ કર્યું હતું કે, કોઈએ પણ તેમના ધર્મસ્થાન પર જવાથી ડરવાની જરૂર નથી. અમારા વિચારો પીડિતો સાથે છે.

ડેમોક્રેટિક કોંગ્રેસ મહિલા કેટી પોર્ટરે જણાવ્યું હતું કે, જેઓ વોશિંગ્ટનમાં ઓરેન્જ કાઉન્ટીનું પ્રતિનિધિત્વ કરે છે સાથે જ આ ઘટના ચિંતાજનક છે.

કાયદા અમલીકરણે રવિવારે જણાવ્યું હતું કે, ન્યૂયોર્ક રાજ્યમાં કરિયાણાની દુકાનમાં એક એક બંદૂકધારીએ ૧૦ લોકોની હત્યા કર્યાના એક દિવસ બાદ આ ઘટના બની છે.

જિનેવા પ્રેસ્બિટેરિયન ચર્ચ રવિવારે બપોરે ૦૧ઃ૨૬ વાગ્યે (૨૦ઃ૨૬ જીએમટી) એક ઈમરજન્સી કોલ આવ્યો હતો. શેરિફ વિભાગના જણાવ્યા મુજબ, ચર્ચ લોસ એન્જલસથી ૪૫ માઈલ (૭૦ કિલોમીટર) દક્ષિણપૂર્વમાં લગુના વુડ્‌સ શહેરમાં સ્થિત છે.SSS*

Copyright © All rights reserved. | Developed by Aneri Developers