Western Times News

Latest News from Gujarat India

સુશાંતનું મોત થયું તે સમય મારા અને વિકી માટે કપરો હતો: અંકિતા

મુંબઈ, ટીવી એક્ટ્રેસ અંકિતા લોખંડે અને વિકી જૈને રિયાલિટી શૉ ‘સ્માર્ટ જાેડી’ જીત્યો છે. આ શૉમાં વિકી જૈને તે સમયની વાત કરી કે જ્યારે સુશાંતનું મોત થયું હતું. અંકિતા લોખંડેએ પણ પોતાના એક્સ બૉયફ્રેન્ડ સુશાંત સિંહ રાજપૂતના મોત બાદ ટ્રોલનો સામનો કરવા વિશે ખુલીને વાત કરી છે.

ત્યારે અંકિતા, પતિ વિકી જૈનને ડેટ કરી રહી હતી. એક્સ બૉયફ્રેન્ડ સુશાંતના મોતના સમય વિશે પૂછતા અંકિતા લોખંડેએ જણાવ્યું કે, ‘મેં વર્ષ ૨૦૧૬માં સુશાંત સાથે સંબંધ તોડ્યા અને પછી ૨૦૧૮માં વિકીને ડેટ કરવાનું શરૂ કર્યું. જ્યારે સુશાંતનું મોત થયું ત્યારે ટ્રોલર્સે વિકીને ટ્રોલ કર્યો હતો.

સોશિયલ મીડિયાએ વિકીને કહ્યું કે તું અંકિતાને છોડી દે. ત્યારે દરરોજ અલગ-અલગ વાત સામે આવી રહી હતી, અંકિતા ટીવી પર એક્સ બૉયફ્રેન્ડ સુશાંત વિશે વાત કરતી હતી અને ઈન્ટરવ્યુ આપતી હતી.

શું વિકીને આ પસંદ આવ્યું હતું? અંકિતાએ કહ્યું કે ત્યારે હું સુશાંત વિશે જ વાત કરી રહી હતી અને ત્યારે વિકી અને તેના પરિવારે મારો સાથ આપ્યો.

કારણકે, વિકીના પરિવાર માટે પણ આ સમય કપરો હતો. અંકિતાએ વધુ વાત કરતા જણાવ્યું કે, જાે કોઈ બીજાે છોકરો હોત તો મને કદાચ છોડી દીધી હોત. પણ, વિકી મારી સાથે ઊભો રહ્યો અને મારી તાકાત બની ગયો. મને કહ્યું કે જે કશું પણ તને લાગે છે તે સુશાંત માટે સૌથી સારું છે.

અંકિતાએ કહ્યું કે સુશાંતનું મોત થયું તે સમય મારા અને વિકી માટે કપરો હતો. કારણકે, ટ્રોલ્સે અમારું જીવન વધુ અઘરું બનાવ્યું હતું. જ્યારે સુશાંતનું મોત થયું અને મેં તેના વિશે વાત કરવાનું શરૂ કર્યું ત્યારે હું સતત વિચારી રહી હતી કે શું હું યોગ્ય કામ કરી રહી છું અને ત્યારે વિકીએ મારો સાથ આપ્યો.

સતત ૬ મહિના સુધી સુશાંત સાથેના મારા ભૂતકાળ વિશેની વાતો સામે આવતી રહી હતી. જાે હું વિકીની સ્થિતિમાં હોત તો તેને એક યુવતી સાથે તેના ભૂતકાળ વિશે વાત કરતા જાેઈ ના શકું. સુશાંત વિશે મારું જે માનવું હતું તે વાતમાં વિકી મારા તરફ હતો.SS1MS

Copyright © All rights reserved. | Developed by Aneri Developers