Western Times News

Latest News from Gujarat India

જેનોવાની ભારતની પ્રથમ mRNA રસીને ડીસીજીઆઈની મંજૂરી

GEMCOVAC-19

પૂણે,  એમક્યોર ફાર્માસ્યુટિકલ્સ લિમિટેડની પેટા કંપની જિનોવા બાયો ફાર્માસ્યુટિકલ્સ લિમિટેડએ જાહેરાત કરી હતી કે, તેની કોવિડ-19 સામે mRNA રસી – GEMCOVAC-19ને ડ્રગ્સ કન્ટ્રોલર જનરલ ઓફ ઇન્ડિયા (DGCI)ની ઓફિસમાંથી ઇમર્જન્સી યુઝ ઓથેરાઇઝેશન (EUA) મળી છે.

GEMCOVAC-19 રસી ભારતમાં સૌપ્રથમ વિકસાવેલી પ્રથમ mRNA રસી છે અને દુનિયામાં કોવિડ-19 માટે મંજૂરી મેળવનારી ફક્ત ત્રીજી mRNA રસી બનશે.

આ રસીઓ ખૂબજ અસરકારક છે, જે માટે સેલ સાયટોપ્લાઝમની અંદર પ્રોટિનના માળખામાં પરિવર્તન થવાની તેમની આનુવંશિક ક્ષમતા જવાબદાર છે.

mRNA રસીઓને સલામત ગણવામાં આવે છે, કારણ કે mRNA નોન-ઇન્ફેક્શિયસ, નોન-ઇન્ટિગ્રેટિંગ છે તથા સ્ટાન્ડર્ડ સેલ્યુલર વ્યવસ્થાથી ડિગ્રેડ કરેલી છે.

નોંધપાત્ર વાત એ છે કે, આ ટેકનોલોજી વાયરસના કોઈ પણ અસ્તિત્વ ધરાવતા કે વિકસતાં વેરિઅન્ટ માટે રસીને ઝડપથી બદલવાની સુવિધા પ્રદાન કરે છે તથા આ ટેકનોલોજી પ્લેટફોર્મ ભારતને મહામારી માટે સજ્જ બનાવે છે.

જેનોવાની GEMCOVAC™-19નું નૈદાનિક પરીક્ષણ ત્રીજા તબક્કાના મુખ્ય અંતિમ બિંદુ પર પહોંચ્યું છે. ક્લિનિકલ ડેટાનું મૂલ્યાંકન સેન્ટ્રલ ડ્રગ્સ સ્ટાન્ડર્ડ કન્ટ્રોલ ઓર્ગેનાઇઝેશન (સીડીએસસીઓ) દ્વારા થયું હતું. આ રસી સલામત, સારી સહનશક્તિ ધરાવતી અને રોગપ્રતિકારક હોવાની જાણકારી મળી હતી.

જેનોવા બાયોફાર્માસ્યુટિકલ લિમિટેડનો ઉદ્દેશ દર મહિને આશરે 40થી 50 લાખ ડોઝ પેદા કરવાનો છે અને આ ક્ષમતા ઝડપથી બમણી થઈ શકશે.

જેનોવાનો ઉદ્દેશ ભારત ઉપરાંત દુનિયાના ઓછી અને મધ્યમ આવક ધરાવતા દેશોને મહામારીના પ્રસારને અટકાવવા રસીની સુલભતા પ્રદાન કરવાનો છે.

Copyright © All rights reserved. | Developed by Aneri Developers