લેબનાનથી પ્રવાસીઓને લઈને જઈ રહેલી બોટની જળસમાધીઃ ૩૪ના મોત
ટાર્ટૌસ, સીરિયાના સમુદ્ર ક્ષેત્રમાં મોટી દુર્ઘટના સામે આવી છે. લેબોનેનના પ્રવાસિયોને લઈને જઈ રહેલી એક બોટ બાદ સીરિયાના તટ પાસે પલ્ટાઈ ગઈ હતી. આ દુર્ઘટનામાં ઓછામાં ઓછા ૩૪ લોકોના ડૂબી જવાથી મોત નિપજ્યા છે.
સીરીયાઈ સરકારે આ મામલે જાણકારી આપી હતી, સીરીયાના સ્વાસ્થય મંત્રાલયે નિવેદન જાહેર કરીને કહ્યું કે આ ઘટનામાં અત્યાર સુધી ૩૪ લોકોના મોત નિપજ્યા છે.આ દુર્ઘટનામાં ૨૦ લોકો ઘાયલ થયા છે. જેમની સારવાર તરતૂસની એક હોસ્પિટલમાં ચાલી રહી છે.
આ ઘાયલોમાં લેબનાની અને સીરીયાઈ લોકો છે. ત્યારે બીજી તરફ પોર્ટના મહાનિર્દેશક સમીર કુબ્રુસલીએ જણાવ્યું કે તેમની ટીમનું સર્ચ ઓપરેશન ચાલી રહ્યું છે. તેમણે કહ્યું કે આ ઘટના સૌથી ભયંકર હતી કારણ કે લેબનીઝ, સીરિયન અને પેલેસ્ટિનિયનોની વધતી જતી સંખ્યાએ મુશ્કેલીગ્રસ્ત લેબનોનથી દરિયાઈ માર્ગે યુરોપ જવાનો પ્રયાસ કર્યો હતો.
બોટમાં કેટલા લોકો હતા અને તેઓ ક્યાં જઈ રહ્યા હતા તે તાત્કાલિક સ્પષ્ટ થયું ન હતું.ટાર્ટૌસના ગવર્નર, અબ્દુલહલીમ ખલીલ, હોસ્પિટલમાં બચી ગયેલા લોકો સાથે મળ્યા હતા. સીરિયન પરિવહન મંત્રાલયેબચી ગયેલા લોકોને ટાંકીને જણાવ્યું હતું કે બોટ મંગળવારે ૧૨૦ થી ૧૫૦ લોકો સાથે લેબનોનના ઉત્તરી મિનેહ પ્રદેશથી નીકળી હતી.લેબનોનની વસ્તી ૬ મિલિયન છે, જેમાં ૧ મિલિયન સીરિયન શરણાર્થીઓનો સમાવેશ થાય છે. લેબનોન ૨૦૧૯ ના અંતથી ગંભીર આર્થિક મંદીની પકડમાં છે.
ત્રણ ચતુર્થાંશથી વધુ વસ્તી ગરીબીની આરે છે. આવી જ ઘટના એપ્રિલમાં પણ બની હતી. લેબનીઝ નૌકાદળ સાથેના મુકાબલો પછી ડઝનેક લેબનીઝ, સીરિયન અને પેલેસ્ટિનિયન દરિયાઈ માર્ગે ઇટાલી જવાનો પ્રયાસ કરી રહ્યા હતા. આ દરમિયાન તેની બોટ ત્રિપોલી બંદર પાસે ડૂબી ગઈ હતી, જેમાં ડઝનબંધ લોકોના મોત થયા હતા.HS1MS
