અવસર વાન તેમજ મેસ્કોટ પ્રદર્શન દ્રારા મતદાન જાગૃતિ અભિયાન હાથ ધરાયું
![](https://westerntimesnews.in/wp-content/uploads/2022/11/Manoj2-1024x768.jpeg)
(પ્રતિનિધિ)ગોધરા, મતદાનનો અવસર આવી રહ્યો છે મહિસાગર જિલ્લાના વિધાનસભા વિસ્તારમાં વધુને વધુ મતદાન થાય તે હેતુથી જિલ્લા ચૂંટણી તંત્ર સવિશેષ પ્રયાસ કરી રહ્યું છે. ત્યારે મતદાન જાગૃતિ માટે અનેકવિધ જાગૃતિલક્ષી કાર્યક્રમો યોજવામાં આવી રહ્યાં છે. જે અન્વયે વધુ મતદાન થાય તેમજ જિલ્લાના મતદારો મતદાન માટે જાગૃત થાય તે માટે જિલ્લાના છ તાલુકાના વિવિધ સ્થળોએ અવસર વાન તેમજ મેસ્કોટ પ્રદર્શન દ્રારા મતદાન જાગૃતિ અભિયાન હાથ ધરાયુ.
મહિસાગર પણ પોતાના સારા ભાવિ માટે પુરજાેશમાં તૈયારીઓ કરી રહ્યું છે, એવામાં મહીસાગર જિલ્લાના ચુંટણી અઘિકારીશ્રી દ્વારા લોકોમાં મતદાન અંગે જાગૃતિ કેળવાય તે હેતુસર જિલ્લા સ્વિપ (વ્યવસ્થિત મતદાન શિક્ષા અને મતદાન ભાગીદારી) મેસ્કોટ તરીકે “ડાહ્યો” ની પસંદગી કરાયેલ છે. જેને લોકો સમક્ષ રજુ કરાતા લોકોમાં આ કુતુહલનો વિષય બન્યો હતો. આ મેસ્કોટમાં મતવાળો મહિસાગર બનશે “મત”વાળો મહિસાગર લખેલ જાેવા મળે છે.