ઝારખંડમાં રેલવે કન્સ્ટ્રક્શન સાઇટ પર નક્સલી હુમલો
રાંચી, ઝારખંડમાં છેલ્લા કેટલાક દિવસોથી ફરી એકવાર નક્સલી ગતિવિધિઓમાં તેજી જાેવા મળી છે.ઝારખંડના લાતેહાર જિલ્લાના ગુંજરાઈ ગામમાં નક્સલવાદીઓએ રેલવે કન્સ્ટ્રક્શન સાઈટ પર કામ કરતા બે એન્જિનિયરોને બંધક બનાવ્યા હતા. તે જ સમયે બાજુમાં પાર્ક કરાયેલા ડઝનેક વાહનોને આગ ચાંપી દેવામાં આવી હતી.
જાે કે, બાદમાં બંધક બનેલા બંને એન્જીનીયરોને નક્સલવાદીઓએ છોડી મુક્યા હતા. રેલવે કન્સ્ટ્રક્શન સાઈટ પર અચાનક નક્સલી હુમલાને કારણે સમગ્ર કન્સ્ટ્રક્શન સાઈટ પર કામ કરતા મજૂરોમાં ગભરાટ ફેલાઈ ગયો હતો.
આપને જણાવી દઈએ કે ઝારખંડના લાતેહાર જિલ્લાના ચંદવા પોલીસ સ્ટેશન વિસ્તારમાં સ્થિત દગ્ગી પુલ પાસે ત્રીજી રેલવે લાઇનના નિર્માણનું કામ કરી રહેલા RBNL અને કોન્ટ્રાક્ટર TTIPLના ૧૮૮ નંબર બ્રિજ પર નક્સલવાદીઓએ હુમલો કર્યો હતો.
નક્સલવાદીઓએ ત્રીજી રેલ્વે લાઇનના સેક્શનના બાંધકામમાં રોકાયેલી કંપનીના ડઝનેક વાહનો અને અન્ય સાધનોને આગ ચાંપી દીધી હતી.
કહેવામાં આવી રહ્યું છે કે આ ઘટનાને નક્સલવાદી રવિન્દ્ર ગંજુની ટુકડીએ અંજામ આપ્યો છે, આ આગજની દરમિયાન ૧૫ કરોડથી વધુનું નુકસાન થવાનો અંદાજ છે. આ પહેલા ૨૧ ઓક્ટોબરે ત્રીજી રેલ્વે લાઈન બનાવી રહેલા મલ્હાન કન્સ્ટ્રક્શન સાઈટ પર પણ નક્સલવાદીઓએ હુમલો કર્યો હતો, જે દરમિયાન ૩ જવાનોને ગોળી વાગી હતી.છેલ્લા કેટલાક દિવસોથી આ વિસ્તારમાં નક્સલવાદી ગતિવિધિઓમાં તેજી જાેવા મળી રહી છે.
લગભગ ૪૦ થી ૫૦ નક્સલવાદીઓએ લાતેહારના ગુજરાઈ ગામમાં સ્થિત ત્રીજી રેલ્વે લાઈન નિર્માણ સ્થળ પર હુમલો કર્યો. કન્સ્ટ્રક્શન સાઇટના કર્મચારીઓએ જણાવ્યું કે નકસલવાદીઓ સ્થળ પર પહોંચતાની સાથે જ તેમણે તમામ જવાનોને એક જગ્યાએ એકઠા થવાનો નિર્દેશ આપ્યો અને બદલામાં સ્થળ પર ઉભેલા તમામ વાહનો, સાધનો અને બાઇકને આગ ચાંપી દીધી.
આ દરમિયાન તેણે બે એન્જિનિયરોને પણ પોતાની સાથે રાખ્યા હતા, જાે કે બાદમાં બંને એન્જિનિયરને જતા પહેલા મુક્ત કરી દીધા હતા.
નક્સલીઓએ એક પાઈલિંગ મશીનને પણ આગ લગાવી દીધી હતી. પાઈલિંગ મશીનનો એક ભાગ બળી જવાને કારણે તે હવે રેલ્વે લાઈન તરફ ઝૂકી રહ્યો છે, જેના કારણે રેલ્વે ટ્રાફિકને પણ અસર થવાની આશંકા છે. તેની માહિતી રેલવે વિભાગને આપવામાં આવી છે.
રેલવે કન્સ્ટ્રક્શન સાઈટમાં રોકાયેલા કર્મચારીઓના જણાવ્યા અનુસાર, નક્સલવાદીઓએ બોરિંગ મશીન, જેસીબી, હાઈડ્રા, પોકલેન, વિંચ મશીન, ટ્રેક્ટર, ૩ બાઈક, ડીસી જનરેટર અને ૧૫ કરોડથી વધુની કિંમતના સાધનોને આગ ચાંપી દીધી હતી.
તમને જણાવી દઈએ કે ગઈકાલે ઝારખંડના લાતેહાર જિલ્લાના સદર પોલીસ સ્ટેશન વિસ્તારના બેડી જંગલમાં સુરક્ષા દળો અને જેજેએમપી નક્સલવાદીઓ વચ્ચે સર્ચ ઓપરેશન દરમિયાન એન્કાઉન્ટર થયું હતું. આ દરમિયાન સુરક્ષા દળોએ એન્કાઉન્ટરમાં ત્રણ નક્સલવાદીઓને ઠાર કર્યા હતા.આજના નક્સલી હુમલાને આ જ ઘટનાના બદલો તરીકે જાેડવામાં આવી રહ્યો છે.
આ ઘટનાને લઈને સમગ્ર લાતેહાર જિલ્લામાં સુરક્ષા દળોને હાઈ એલર્ટ પર રાખવામાં આવ્યા છે. સમગ્ર ઘટના અંગે તપાસ કરવામાં આવી રહી છે.SS1MS
