ગયા વર્ષનું લસણ પાણીના ભાવે ખેડૂતો વેચી રહ્યા છે
અમદાવાદ, હાલ રાજકોટ સહિત સૌરાષ્ટ્રના માર્કેટિંગ યાર્ડમાં લસણની મોટા પ્રમાણમાં આવક થઈ રહી છે. સૌથી વધુ રાજકોટ અને ગોંડલ માર્કેટિંગ યાર્ડમાં લસણની હજારો મણની આવક થઈ છે. હાલ ગયા વર્ષનું લસણ પાણીના ભાવે ખેડૂતો વેચી રહ્યા છે.
દર વર્ષે લસણનો ઉત્પાદન ખર્ચ વધતો જાય છે અને ભાવ દર વર્ષે ઘટતા જાય છે. રાજકોટ ગોંડલ માર્કેટિંગ યાર્ડમાં ખેડૂતોને ગયા વર્ષનું લસણ રૂ.100 લઈ અને રૂ.૧૫૦ સુધી વેચવાની ફરજ પડી રહી છે. બિયારણ,રાસાયણિક ખાતર, જંતુનાશક દવાના ભાવ આસમાને પરંતુ ખેડૂતોને ખૂબ જ ઓછા ભાવે લસણ વેચવાની ફરજ પડી રહી છે.
રાજકોટ માર્કેટિંગ યાર્ડમાં દરરોજ ૩૦૦૦ ગુણીની આવક થઈ રહી છે, તો ગોંડલ યાર્ડમાં પણ લસણની રેકોર્ડ બ્રેક આવક થઈ છે. ગયા વર્ષે લસણનું રેકોર્ડ બ્રેક વાવેતર હતું જેના કારણે ખેડૂતોને ભાવ અત્યારે ઓછા મળી રહ્યા છે.
પ્રધાનમંત્રી કિસાન સન્માન નિધિ યોજનામાં વધુ એક મોટી છેતરપિંડી સામે આવી છે જ્યાં હજારો અયોગ્ય ખેડૂતોએ ઓનલાઈન નોંધણી દ્વારા ખોટી રીતે બે હજાર રૂપિયાના હપ્તાનો લાભ લીધો છે. કૃષિ વિભાગ દ્વારા ચકાસણી પ્રક્રિયા પૂર્ણ થતાં ૫૩,૦૦૦ ખેડૂતો અયોગ્ય જણાયા છે, જેમણે ભૂલથી રૂ. ૪૩ કરોડનો લાભ લીધો છે.
મહેસૂલ વિભાગે આ અયોગ્ય ખેડૂતોની યાદી બહાર પાડી છે, જેમની પાસેથી વસૂલાતની કામગીરી હજુ બાકી છે. પ્રધાનમંત્રી કિસાન સન્માન નિધિ યોજના ૨૦૧૮ માં શરૂ કરવામાં આવી હતી જેના હપ્તાઓ ૨૦૧૯થી લાભ મળવા લાગ્યા. આ યોજનાનો લાભ ૨ હેક્ટર અથવા તેનાથી ઓછી જમીન ધરાવતા ખેડૂતોના નાના અને આર્થિક રીતે નબળા વર્ગના ખેડૂતોને જ આપવામાં આવે છે.
આ રીતે ખેડૂતોની સંખ્યા દર વર્ષે વધતી રહી. આ સમય દરમિયાન ઇ-કેવાયસી અને જમીનની ચકાસણી ફરજિયાત ન હોવાથી ઘણા અયોગ્ય ખેડૂતોએ નિયમો વિરુદ્ધ બે હજાર રૂપિયાના હપ્તા ઉભા કર્યા હતા.
૧૧મા હપ્તા દરમિયાન આવા અનેક ખોટા કેસો સામે આવવા લાગ્યા, જેમાં અયોગ્ય હોવા છતાં ઘણા ખેડૂતોએ પોતાનું ઓનલાઈન રજીસ્ટ્રેશન કરાવ્યું અને હપ્તાનો લાભ લીધો. આ કામમાં કેટલાક જૂથોના નામ આવી રહ્યા છે, જેઓ ખેડૂતોની નોંધણીના બદલામાં રૂ.૨૦૦૦ હપ્તો લેતા હતા.
કૃષિ વિભાગે છત્તીસગઢના રાયગઢ જિલ્લામાં આધાર સીડીંગ અને જમીન ચકાસણી માટે લાંબા સમય પહેલા સૂચનાઓ જારી કરી હતી. લાંબા સમયથી ચાલતી ચકાસણી દરમિયાન કૃષિ વિભાગે પટવારીઓને લાયક ખેડૂતોની યાદી આધાર અને જમીન સીડીંગ દ્વારા અપડેટ કરવા જણાવ્યું હતું.
વહીવટીતંત્ર બાદ જ્યારે યાદી પહોંચી ત્યારે જાણવા મળ્યું કે જિલ્લાના ૫૩ હજાર અયોગ્ય ખેડૂતોએ ૪૩ કરોડની રકમનો ખોટી રીતે લાભ લીધો છે. આવો જ બીજાે કિસ્સો ૨ વર્ષ પહેલા આવ્યો હતો, જ્યારે ૧૭,૦૦૦ ખેડૂતોએ ૨૫ કરોડની છેતરપિંડી કરી હતી, પરંતુ હજુ સુધી આ ખેડૂતો પાસેથી માત્ર ૧૨ લાખ જ વસૂલ કરવામાં આવ્યા છે. બે વર્ષ બાદ છેતરપિંડી કરનારાઓની સંખ્યામાં પણ વધારો થયો છે.SS1MS
