મહિલા અને દીકરીએ PGમાં રહેતા IT કર્મચારીને ધોઈ નાખ્યો
અમદાવાદ, નવરંગપુરામાં પેઇંગ ગેસ્ટ ફેસિલિટીમાં રહેતા તાપીના ૨૪ વર્ષીય યુવકે રવિવારે બે યુવતીઓ વિરુદ્ધ ફરિયાદ નોંધાવી છે. તેણે આરોપ લગાવ્યો છે કે તે વિડીયો શૂટ કરી રહ્યો હોવાની શંકાએ બે યુવતીએ તેના પર હુમલો કર્યો હતો.
ગાંધીગ્રામ રેલવે સ્ટેશન નજીક એરોન રેસીડેન્સી સ્થિત ઇસ્કોન પીજીમાં રહેતા સુનીલ પ્રજાપતિ કે જે એક આઈટી ફર્મમાં કામ કરે છે, તેણે નવરંગપુરા પોલીસમાં નોંધાવેલી તેની એફઆઈઆરમાં જણાવ્યું હતું કે તે શનિવારે રાત્રે સીડીઓ ચડતી વખતે એક મિત્ર સાથે વીડિયો કોલ પર વાત કરી રહ્યો હતો.
તે સમયે તે જ બિલ્ડીંગમાં રહેતી વસંત પરમાર નામની મહિલાએ નજીક આવીને વિડીયો કેમ ઉતારો છો તેવું પૂછ્યું હતું. એફઆઈઆર મુજબ વસંત તેનાથી નારાજ હતી કારણ કે તેને શંકા હતી કે સુનીલ પ્રજાપતિ તેના પીજીમાંથી ઘણા છોકરાઓને બીજા પીજીમાં લઈ ગયો છે. પ્રજાપતિએ આરોપ લગાવ્યો કે વસંતે તેને ઇસ્કોન પીજીમાંથી કાઢી નાખવાની ધમકી આપી અને તેને તેના વતન પરત મોકલી દીધો.
આ દરમિયાન વસંતની પુત્રી ભૂમિકા પણ ત્યાં દોડી ગઈ અને તેઓએ પ્રજાપતિ સાથે મારપીટ શરૂ કરી હતી, તેવો ફરિયાદમાં ઉલ્લેખ કરવામાં આવ્યો છે. સુનિલના જણાવ્યા અનુસાર બંનેએ તેને ઘણી વખત થપ્પડ મારી હતી અને ભૂમિકાએ તેને ધમકી આપી હતી કે તે રાજ્ય સચિવાલયમાં કામ કરે છે અને તે તેને પાઠ ભણાવશે.
પોતાની ભૂલ ન હોવા છતાં મહિલા અને તેની દીકરીએ લાફા મારતા ઉશ્કેરાયેલા સુનિલે તાત્કાલિક પોલીસ કંટ્રોલ રૂમને ફોન કર્યો હતો અને બાદમાં વસંત અને ભૂમિકા સામે અપશબ્દોનો ઉપયોગ કરીને તેને ઇજા પહોંચાડવાની ફરિયાદ નોંધાવી હતી. બીજી તરફ વસંતે પણ નવરંગપુરા પોલીસમાં પ્રજાપતિ સામે અપશબ્દો વાપર્યાની ફરિયાદ નોંધાવી હતી. તેણે કહ્યું કે પ્રજાપતિએ તેનો વિડીયો શૂટ કરવાનું શરૂ કર્યું અને તેના સેલફોન પર તેની તસવીરો ક્લિક કરી.
તેણીએ તેને રોકતાં તેણે તેની સાથે દુર્વ્યવહાર કરવાનું શરૂ કર્યું. વસંતે ૧૮૧ મહિલા હેલ્પલાઈન પર કોલ કર્યો અને બાદમાં તેની પુત્રી સાથે નવરંગપુરા પોલીસ સ્ટેશન ગઈ અને સુનિલ પ્રજાપતિ વિરુદ્ધ ફરિયાદ નોંધાવતા પોલીસે બંને પક્ષોની ફરિયાદ લઈને આગળની કાર્યવાહી હાથ ધરી છે.SS1MS
