ફિલ્મ ફુકરે ૩ બુલેટ ટ્રેનની ઝડપે દોડી રહી છે
મુંબઈ, વરુણ શર્મા, રિચા ચઢ્ઢા અને પંકજ ત્રિપાઠી અભિનીત કોમેડી ફ્રેન્ચાઇઝી ‘ફુકરે’નો ત્રીજાે ભાગ ૨૮ સપ્ટેમ્બરના રોજ થિયેટરમાં રિલીઝ થયો હતો. આ ફિલ્મને તેની રિલીઝના પહેલા દિવસથી જ દર્શકો તરફથી ઘણો પ્રેમ મળી રહ્યો છે, જેના કારણે તેણે તાજેતરમાં થિયેટરોમાં રિલીઝ થયેલી અન્ય ફિલ્મોને પાછળ છોડી દીધી છે. હવે ‘ફુકરે ૩’ની ૧૮મા દિવસની કમાણીના આંકડા સામે આવ્યા છે. દર્શકોમાં ‘ફુકરે’ ફ્રેન્ચાઇઝીના ત્રીજા ભાગ એટલે કે ‘ફુકરે ૩’નો ક્રેઝ વધી રહ્યો છે. ફુકરેના તમામ ભાગોની જેમ તેનો ત્રીજાે ભાગ પણ ઘણો પસંદ કરવામાં આવી રહ્યો છે.
ગયા મહિને, ‘ફુકરે ૩’ બોક્સ ઓફિસ પર વિવેક અગ્નિહોત્રીની ફિલ્મ ‘ધ વેક્સીન વોર’ અને કંગના રનૌતની ફિલ્મ ‘ચંદ્રમુખી-૨’ સાથે ટકરાઈ હતી, પરંતુ તેણે આ બંને ફિલ્મોને માત આપી હતી. હવે આ ફિલ્મ ભારતીય બોક્સ ઓફિસ પર ૧૦૦ કરોડની કમાણીથી માત્ર ડગલાં દૂર છે. થિયેટરોમાં ‘ફુકરે ૩’ની રિલીઝનું આ ત્રીજું અઠવાડિયું છે અને ટિકિટ બારી પર ફિલ્મની કમાણી ચાલુ છે.
અહેવાલ અનુસાર , ફિલ્મે રવિવારે રૂ. ૨.૩૦ કરોડનો બિઝનેસ કર્યો હતો, જેનું કુલ બોક્સ ઓફિસ કલેક્શન રૂ. ૯૦.૬૪ કરોડ થયું હતું. ‘ફુકરે ૩’ની કમાણી ભારતીય બોક્સ ઓફિસ પર ઝડપથી વધીને રૂ. ૧૦૦ કરોડ તરફ જઈ રહી છે, જ્યારે ફિલ્મે વિશ્વભરમાં રૂ. ૧૦૦ કરોડના આંકડાને સ્પર્શ કર્યો છે. ૨૮ સપ્ટેમ્બરે રિલીઝ થયેલી ‘ફુકરે ૩’ હવે ત્રીજા સપ્તાહમાં પહોંચી ગઈ છે.
તેની સાથે જ તેની કમાણી પણ બુલેટ ટ્રેનની ઝડપે વધી રહી છે. ફિલ્મે વીકએન્ડમાં જાેરદાર કમાણી કરી છે. ‘ફુકરે ૩’ એ ત્રીજા શુક્રવારે ૫.૧ કરોડ રૂપિયાની કમાણી કરી હતી, જ્યારે ત્રીજા શનિવારે ફિલ્મની કમાણી ઘટી હતી અને તેણે માત્ર ૧.૯૫ કરોડ રૂપિયાનો બિઝનેસ કર્યો હતો .હવે ફિલ્મની રિલીઝના ત્રીજા રવિવારે એટલે કે ૧૮માં દિવસે તેણે ૨.૩૦ કરોડ રૂપિયાનો બિઝનેસ કર્યો છે.
ફુકરે ૩ મૃગદીપ સિંહ લાંબા દ્વારા નિર્દેશિત છે અને આ ફિલ્મ સિનેમાઘરો પછી એમેઝોન પ્રાઇમ વિડિયો પર રિલીઝ થશે . ‘ફુકરે’ વર્ષ ૨૦૧૩માં રિલીઝ થઈ હતી, જેણે બોક્સ ઓફિસ પર ૫૦ કરોડ રૂપિયાથી વધુનો બિઝનેસ કર્યો હતો. આ ફિલ્મ નેટફ્લિક્સ પર ઉપલબ્ધ છે . ‘ફુકરે’નો બીજાે ભાગ ‘ફૂકરે રિટર્ન્સ’ વર્ષ ૨૦૧૭માં આવ્યો હતો. આ ફિલ્મે બોક્સ ઓફિસ પર ૮૦.૩૨ કરોડ રૂપિયાની કમાણી કરી હતી. આ ફિલ્મ Amazon Prime પર ઉપલબ્ધ છે.SS1MS
