પાકિસ્તાનમાં રામ મંદિરની પુજા કરવા હિન્દુઓને મંજૂરી નથી
નવી દિલ્હી, આ સમયે સમગ્ર ભારત રામમય બની ગયું છે. આજે એટલે કે ૨૨ જાન્યુઆરી (સોમવાર) હિન્દુ ધર્મ માટે એક મોટો દિવસ છે. આજે અયોધ્યામાં રામ મંદિરનો અભિષેક થવા જઈ રહ્યો છે. આ માટેની તૈયારીઓ ઘણા દિવસોથી ચાલી રહી હતી અને ધાર્મિક વિધિઓ પણ શરૂ થઈ ગઈ હતી. અયોધ્યા એક એવા શહેરમાં ફેરવાઈ ગઈ છે જે દરેક ખૂણામાં ભગવાન રામના જીવનને પ્રતિબિંબિત કરે છે.
હિન્દુ ધર્મના મૂળ ભારતના પાડોશી દેશ પાકિસ્તાનમાં પણ ફેલાયેલા છે. સનાતન ધર્મમાં માનતા હિન્દુઓ પણ ત્યાં રહે છે. તેઓ પણ શ્રી રામ મંદિર ખોલવા માટે ઉત્સાહિત છે. અહેવાલ મુજબ પાકિસ્તાનમાં પણ રામ મંદિર છે. આ રામ મંદિર ઈસ્લામાબાદના મારગલ્લા હિલ્સમાં આવેલું છે. આ મંદિર ઘણું જૂનું છે. તે ૧૬મી સદીમાં બાંધવામાં આવ્યું હતું. આ મંદિર રામ કુંડ મંદિર તરીકે ઓળખાય છે.
જાે કે, હિંદુઓને અહીં પૂજા કરવાની મંજૂરી નથી અને મૂર્તિઓ હટાવી દેવામાં આવી છે. પાકિસ્તાનના સાદીપુરમાં રામ મંદિરનું હેરિટેજ માળખું હજુ પણ અસ્તિત્વમાં છે. આજકાલ તે આકર્ષણનું કેન્દ્ર બની ગયું છે. રામ મંદિરમાં મોટી સંખ્યામાં લોકો આવે છે. ઈસ્લામાબાદમાં હિમાલયની તળેટીમાં આવેલું આ નાનકડું ૧૬મી સદીનું મંદિર હિન્દુ ભગવાન રામના મંદિર તરીકે બનાવવામાં આવ્યું હતું.
આ વિશે એક લોકપ્રિય વાર્તા પણ છે. એવું માનવામાં આવે છે કે ભગવાન શ્રી રામ તેમના વનવાસ દરમિયાન ૧૪ દિવસ સુધી લક્ષ્મણ અને માતા સીતા સાથે આ સ્થાન પર રહ્યા હતા. એવું માનવામાં આવે છે કે શ્રી રામે આ મંદિર સાથે જાેડાયેલા તળાવનું પાણી પીધું હતું. જેના કારણે આ તળાવનું મહત્વ વધુ વધી જાય છે. આ તળાવને રામ કુંડ કહેવામાં આવે છે.
પાકિસ્તાનના સાદીપુરમાં રામ મંદિરનું નિર્માણ લાલ ઈંટોથી કરવામાં આવ્યું છે. આ સાદગીથી બનેલું મંદિર છે. આ એક માળનું મંદિર છે. તેમાં એક લંબચોરસ આંગણું છે જેમાં મધ્યમાં એક ઊંચું મંચ છે, જ્યાં રામ, સીતા અને લક્ષ્મણની મૂર્તિઓ મૂકવામાં આવી હતી. ૧૮૯૩ના સત્તાવાર રેકોર્ડ મુજબ, ભગવાન રામના જીવનની યાદમાં સ્થળની નજીકના તળાવ પર વાર્ષિક મેળાનું આયોજન કરવામાં આવતું હતું.
દૂર-દૂરથી હિંદુઓ મંદિરમાં પૂજા માટે આવતા હતા અને સદીઓથી બાજુની ધર્મશાળામાં રહેતા હતા. પરંતુ ૧૯૪૭ થી, ભાગલા પછી, હિંદુઓને પાકિસ્તાની સત્તાવાળાઓ દ્વારા મંદિર અને તે જે સંકુલમાં આવેલું છે ત્યાં પૂજા કરવાની મંજૂરી આપી નથી. SS1SS
