ભારતે તાઈવાનની કંપની ફોક્સકોનના ચેરમેનને આપ્યો પદ્મ ભૂષણ
નવી દિલ્હી, ગણતંત્ર દિવસના પ્રસંગે કેન્દ્ર સરકારે પદ્મ પુરસ્કારોની જાહેરાત કરી છે. આ વર્ષે પાંચ લોકોને પદ્મ વિભૂષણ, ૧૭ને પદ્મ ભૂષણ અને ૧૧૦ને પદ્મશ્રી આપવાની જાહેરાત કરવામાં આવી છે.
આ વખતે ભારતે તાઈવાનની કંપની ફોક્સકોનના ચેરમેન યંગ લિયુને પદ્મ ભૂષણથી સન્માનિત કરીને ચીનને મરચા લગાડ્યા છે. તાઈવાનની એક કંપનીના ચેરમેનને ભારતનું ત્રીજું સર્વોચ્ચ નાગરિક સન્માન આપીને ભારતે રાજદ્વારી પગલું ભર્યું છે.
ચીન અને માલદીવ વચ્ચે વધી રહેલી નિકટતા વચ્ચે આ દાવ ચીનને નારાજ કરી શકે છે. હકીકતમાં તાજેતરમાં જ તાઈવાનમાં ચીન વિરોધી સરકાર સત્તામાં આવી છે. વિદેશી બાબતોના નિષ્ણાતોનું કહેવું છે કે ભારતે પદ્મ ભૂષણના દાવથી ચીનને પણ જવાબ આપ્યો છે.
યંગ લિયુ એ જ વ્યક્તિ છે જેમણે ફોક્સકોનનો મેન્યુફેક્ચરિંગ પ્લાન્ટ ચીનથી ભારતમાં શિફ્ટ કર્યો હતો. ફોક્સકોન એપલ પ્રોડક્ટ્સ બનાવે છે અને હવે આઈફોનથી લઈને આઈપેડ સુધીની દરેક વસ્તુ ભારતમાં બની રહી છે. આનાથી ચીન પહેલેથી જ ચોંકી ગયું હતું.
હવે જ્યારે ભારત સરકારે લિયુને પદ્મ ભૂષણથી સન્માનિત કર્યા છે ત્યારે ચીન મુશ્કેલીમાં મુકાશે તે નિશ્ચિત છે. તાઈવાનમાં તાજેતરની ચૂંટણીઓ પછી વિલિયમ લાઈ ચિંગ તે નવા ચૂંટાયેલા રાષ્ટ્ર પ્રમુખ બન્યા છે. તેઓ શાસક ડીપીપીના નેતા છે.
ભારતના પરિપ્રેક્ષ્યમાં તે ઘણું સારું રહ્યું છે. હકીકતમાં તાઈવાનમાં વિલિયમ લાઈની સરકારના કારણે ચીનનો તણાવ વધ્યો છે, કારણ કે તેમની વિચારધારા સંપૂર્ણપણે ચીનની વિરુદ્ધ છે. તાઈવાનમાં ચૂંટણી પ્રચાર ચાલી રહ્યો હતો ત્યારે ચીને ચેતવણી આપી હતી.
તેમણે કહ્યું હતું કે, લાઈને કોઈએ વોટ ન આપવો જોઈએ. તાઈવાન આપણું છે, તે ચીનથી અલગ દેશ નથી. જોકે, ચીનની આ પાયાવિહોણી વાતો વચ્ચે તાઈવાનમાં લોકશાહી ઢબે ચૂંટણી યોજાઈ હતી. તમામ અવરોધો છતાં અહીં વિલિયમ લાઈની સરકાર સત્તામાં આવી.
ચૂંટણી જીત્યા બાદ લાઈએ કહ્યું કે, તાઈવાન લોકશાહી સાથે જોડાયેલો દેશ છે. તેમના પક્ષની વિચારધારા વિશે વાત કરતાં, તેમની પાર્ટી ડેમોક્રેટિક પ્રોગ્રેસિવ પાર્ટી તાઈવાનના રાષ્ટ્રવાદ પર ધ્યાન કેન્દ્રિત કરે છે, જે તાઈવાનની ઓળખને ખૂબ જ મહત્વપૂર્ણ માને છે.
પદ્મ ભૂષણથી સમ્માનિત તાઈવાનની ટેક્નોલોજી જાયન્ટ ફોક્સકોનના સીઈઓ અને ચેરમેન યંગ લિયુએ કહ્યું છે કે ભારત સરકાર તરફથી એવોર્ડ મેળવીને તેઓ ખૂબ જ સન્માનિત અનુભવી રહ્યા છે. આ એવોર્ડ એટલા માટે મળ્યો છે કે ફોક્સકોન, જે વૈશ્વિક સ્તરે લગભગ ૭૦ ટકા car બનાવે છે, તે ભારતમાં સ્થાનિક ઉત્પાદનમાં ભારે રોકાણ કરી રહી છે.
લિયુએ કહ્યું હતું કે, આ માટે હું વડાપ્રધાન, રાષ્ટ્રપતિ અને ભારતના અદ્ભુત લોકોનો હૃદયપૂર્વક આભાર માનું છું. હું દ્રઢપણે માનું છું કે આ એક સહયોગની પુષ્ટિ છે જે ભારતના લાંબા ગાળાના વિકાસને લાભ આપે છે અને સ્થાનિક અર્થતંત્રોના વિકાસને સમર્થન આપે છે.
હું મારી ટીમને પ્રોત્સાહિત કરતો રહીશ. ચાલો ભારતમાં ઉત્પાદન અને સમાજની સુધારણામાં યોગદાન આપીએ. ગયા વર્ષે લિયુએ કહ્યું હતું કે ભારતમાં સુધારા અને નીતિઓએ સમગ્ર ઈલેક્ટ્રોનિક્સ મેન્યુફેક્ચરિંગ ઈકોસિસ્ટમના વિકાસ માટે મોટી તકો ઊભી કરી છે.SS1MS
