મુંબઈમાં લાખોની કિંમતનો નકલી મેગી મસાલા અને એવરેસ્ટ મસાલા ઝડપાયા
મુંબઈ, મુંબઈની ભિવંડી શાંતિ નગર પોલીસે લાખો રૂપિયાની કિંમતનો ડુપ્લિકેટ મેગી મસાલા અને એવરેસ્ટ મસાલા જપ્ત કર્યા છે. પોલીસે આ કેસમાં બે આરોપીઓની પણ ધરપકડ કરી છે. જણાવવામાં આવી રહ્યું છે કે આ રેકેટના દોરા ગુજરાતના સુરતની એક ફેક્ટરી સાથે જોડાયેલા છે.
પોલીસે કારખાનેદારને નોટિસ પણ આપી છે. જો તમે મેગી મસાલા અથવા એવરેસ્ટ મસાલા ખાવાના શોખીન છો અથવા તમે તમારા ઘરમાં આ મસાલાનો ઉપયોગ કરો છો, તો આ સમાચાર તમારા માટે છે.
આ મસાલાનો ઉપયોગ કરતા પહેલા ખાતરી કરો કે તમે જે મસાલાનો ઉપયોગ કરી રહ્યા છો તે નકલી નથી. હા, આવો મોટો ખુલાસો મુંબઈને અડીને આવેલા ભિવંડીની શાંતિ નગર પોલીસે કર્યાે છે.પોલીસે ફેક્ટરી પર દરોડો પાડી લાખો રૂપિયાની કિંમતનો ડુપ્લીકેટ મેગી મસાલા અને એવરેસ્ટ મસાલા કબજે કર્યા હતા.
આ ઉપરાંત આ કેસમાં સંડોવાયેલા બે આરોપીઓની પણ ધરપકડ કરવામાં આવી છે. ૧૭મી મેના રોજ ભિવંડી પોલીસને આ ડુપ્લીકેટ મસાલા આવવાના સમાચાર મળ્યા હતા. માહિતીના આધારે પોલીસે ડુપ્લીકેટ મસાલા સાથે બે લોકોની ધરપકડ કરી હતી.
શાંતિનગર પોલીસ સ્ટેશનના વરિષ્ઠ પોલીસ અધિકારી વિનાયક ગાયકવાડે જણાવ્યું હતું કે આ મસાલાના વેપાર અંગે એવરેસ્ટ કંપની વતી કેસ નોંધવામાં આવ્યો હતો.
કહેવામાં આવ્યું હતું કે આ જ નામનો ઉપયોગ કરીને અને પેકિંગ કરીને એવરેસ્ટના નામે ડુપ્લીકેટ મસાલા બજારમાં વેચવામાં આવી રહ્યા છે. આ અંગે કાર્યવાહી કરતા બે લોકો ડુપ્લીકેટ મસાલા સાથે ઝડપાયા હતા.આરોપીની ધરપકડ બાદ આ કેસમાં ઉંડાણપૂર્વકની તપાસ કરતાં જાણવા મળ્યું હતું કે આ નકલી અને ડુપ્લીકેટ બ્રાન્ડેડ મસાલા બનાવવાની કડી સુરત સ્થિત ફેક્ટરી સાથે જોડાયેલી છે.
આ ફેક્ટરીમાં આ ડુપ્લીકેટ મસાલા બનાવવાનો ગેરકાયદે ધંધો ચાલતો હતો. માહિતી મળ્યા બાદ ભિવંડી પોલીસ સુરત પહોંચી હતી અને સંબંધિત ફેક્ટરીમાં દરોડો પાડ્યો હતો.
પોલીસે અહીંથી લાખો રૂપિયાની કિંમતના ડુપ્લીકેટ બ્રાન્ડેડ મસાલા અને મસાલા બનાવવાનું મશીન જપ્ત કર્યું હતું. આ ઉપરાંત પોલીસે ફેક્ટરી માલિકને પણ નોટિસ ફટકારી છે. મેગી અને એવરેસ્ટ સ્પાઈસીસના આ કૌભાંડમાં હજુ કેટલી કડીઓ સંડોવાયેલી હોઈ શકે છે તે જાણવા ભિવંડી પોલીસ વધુ તપાસમાં લાગેલી છે.SS1MS
