પેલેસ્ટાઈનીઓ પર દુષ્કાળના ભય વચ્ચે આઈસીજેનો મહત્વનો નિર્ણય
નવી દિલ્હી, યુએનની સર્વાેચ્ચ અદાલતના ન્યાયાધીશોએ શુક્રવારે ઇઝરાયેલને દક્ષિણ ગાઝા શહેર રફાહ પર તેના લશ્કરી હુમલાને રોકવાનો આદેશ આપ્યો હતો.
ઈન્ટરનેશનલ કોર્ટ ઓફ જસ્ટિસે એક નિર્ણયમાં કહ્યું કે, ‘માર્ચમાં કોર્ટ દ્વારા આદેશ આપવામાં આવેલા કામચલાઉ પગલાં હવે સંપૂર્ણ રીતે ઘેરાયેલા પેલેસ્ટિનિયન પ્રદેશની સ્થિતિ માટે પૂરતા નથી અને પરિસ્થિતિ હવે નવા ઈમરજન્સી ઓર્ડરની વોરંટ આપે છે.’
કોર્ટે કહ્યું કે ઈઝરાયલ તરત જ રફાહમાં તેના સૈન્ય હુમલાને રોકે. અદાલતે ઇઝરાયેલને રફાહમાં તેના આક્રમણને રોકવાનો આદેશ આપ્યો અને દક્ષિણ આળિકાની વિનંતીને ટેકો આપ્યો, પ્રિટોરિયાએ ઇઝરાયેલના નરસંહારના આરોપોના ઉકેલ માટે બોલાવ્યાના એક અઠવાડિયા પછી.
ઈઝરાયેલે આ કેસમાં નરસંહારના આરોપોને પાયાવિહોણા ગણાવીને નકારી કાઢ્યા હતા અને કોર્ટને કહ્યું હતું કે ગાઝામાં તેની કામગીરી સ્વરક્ષણ છે અને ૭ ઓક્ટોબરે ઈઝરાયેલ પર હુમલો કરનાર હમાસના આતંકવાદીઓને નિશાન બનાવે છે.ઈઝરાયલ સરકારના પ્રવક્તાએ કહ્યું કે ‘દુનિયાની કોઈ શક્તિ ઈઝરાયેલને તેના નાગરિકોની સુરક્ષા અને ગાઝામાં હમાસને નિશાન બનાવવાથી રોકી શકે નહીં.’
ઇઝરાયેલે આ મહિને દક્ષિણી શહેર રફાહ પર હુમલો કર્યાે, હજારો પેલેસ્ટિનિયનોને શહેર છોડીને ભાગી જવાની ફરજ પડી.ગાઝાના દક્ષિણ કિનારે આવેલું રફાહ શહેર પણ સહાય માટે મુખ્ય માર્ગ રહ્યું છે. આંતરરાષ્ટ્રીય સંસ્થાઓનું કહેવું છે કે ઇઝરાયેલની કાર્યવાહીએ આ વિસ્તારને અલગ કરી દીધો છે,
જેનાથી દુષ્કાળનું જોખમ વધી ગયું છે.ગયા અઠવાડિયે, દક્ષિણ આફ્રિકાના વકીલોએ આઈસીજેને કટોકટીનાં પગલાં લાદવા વિનંતી કરી હતી, અને કહ્યું હતું કે પેલેસ્ટિનિયન લોકોના અસ્તિત્વને બચાવવા માટે રફાહ પર ઇઝરાયેલના હુમલા બંધ કરવા જોઈએ.ઇન્ટરનેશનલ કોર્ટ આૅફ જસ્ટિસ એ બે દેશો વચ્ચેના વિવાદોની સુનાવણી માટે સંયુક્ત રાષ્ટ્રની સર્વાેચ્ચ સંસ્થા છે. તેના નિર્ણયો અંતિમ અને બંધનકર્તા છે પરંતુ ભૂતકાળમાં તેની અવગણના કરવામાં આવી છે.
કોર્ટ પાસે અમલીકરણની સત્તા નથી. ઈઝરાયેલ વિરુદ્ધના નિર્ણયથી વડાપ્રધાન બેન્જામિન નેતન્યાહુની સરકાર પર રાજદ્વારી દબાણ વધી શકે છે.ઈઝરાયેલના વડાપ્રધાન નેતન્યાહુની ધરપકડ માટે ઈન્ટરનેશનલ ક્રિમિનલ કોર્ટ પાસે ધરપકડ વોરંટની માંગણી કરવામાં આવી છે.
આનાથી નારાજ નેતન્યાહુએ કહ્યું કે તેઓ લોકતાંત્રિક ઇઝરાયલની હમાસના સામૂહિક હત્યારાઓ સાથે સરખામણી કરવાનો સખત વિરોધ કરે છે. તેણે પોતાની ધરપકડની માંગને ઈઝરાયેલની સેના અને સમગ્ર ઈઝરાયેલ પર હુમલો ગણાવ્યો છે.SS1MS
