બ્રિક્સ રાષ્ટ્રો અમેરિકા સાથે વેમ્પાયર જેવું વર્તન કરે છેઃ નવારો

ન્યૂયોર્ક/વોશિંગ્ટન, યુએસ પ્રમુખ ડોનાલ્ડ ટ્રમ્પના નિકટના સાથી પીટર નવારોએ બ્રિક્સ રાષ્ટ્રોની ટીકા કરી હતી. તેમણે કહ્યું હતું કે, બ્રિક્સના સભ્ય રાષ્ટ્રો એકબીજાને ધિક્કારે છે, જ્યારે વેપાર મામલે વેમ્પાયરની જેમ અમેરિકાનું શોષણ કરે છે.

વ્હાઈટ હાઉસના ટ્રેડ એડવાઈઝર નવારોના મતે બ્રિક્સ સંગઠન ટકી શકે તેમ નથી. બ્રિક્સ સંગઠનમાં મળે બ્રાઝિલ, રશિયા, ભારત, ચીન અને સાઉથ આળિકા હતા. ૨૦૨૪માં ઈજિપ્ત, ઈથોપિયા, ઈરાન અને યુનાઈટેડ આરબ એમિરેટ્‌સ તેમાં જોડાયા હતા, જ્યારે ૨૦૨૫માં ઈન્ડોનેશિયાએ આ સંગઠનમાં પ્રવેશ કર્યાે હતો.

બ્રિક્સની વધતી ક્ષમતા જોઈને નવારોએ નારાજગી વ્યક્ત કરતાં કહ્યું હતું કે, બ્રિક્સ રાષ્ટ્રો એકબીજાને ધિક્કારે છે અને એકબીજાને મારી રહ્યા છે.

આ સ્થિતિમાં બ્રિક્સ સંગઠન ટકી શકે તેમ લાગતું નથી. એક ઈન્ટરવ્યૂ દરમિયાન નવારોએ યુએસની ક્ષમતાની ડંફાસ હાંકતા કહ્યું હતું કે, આ સંગઠનનો કોઈ પણ દેશ યુનાઈટેડ સ્ટેટ્‌સને સામાન વેચે નહીં તો, તે ટકી શકે તેમ નથી. અમેરિકામાં નિકાસ કરતી વખતે તેઓ વેમ્પાયરની જેમ વર્તન કરે છે અને ગેરવ્યાજબી વેપાર પદ્ધતિઓ થકી અમેરિકાનું લોહી ચૂસે છે.

રશિયા પાસેથી ઓઈલ ખરીદવાના મામલે ભારતના કટ્ટર ટીકાકાર બનેલા ટ્રમ્પે ભારત ચીન સંબંધો અંગે કહ્યું હતું કે, પાકિસ્તાનને પરમાણુ બોમ્બ ચીને આપ્યા હતા. ભારતીય સમુદ્રમાં ચીનના ધ્વજ સાથે જહાજો ફરતા હતા અને હવે ભારત-ચીન એક સાથે દેખાય છે.SS1MS