વૈશ્વિક મંચ પર ભારતનો દબદબો: G-7 સમિટના ગ્રુપ ફોટોમાં PM મોદી પહેલી હરોળમાં
-
કાયમી સભ્ય ન હોવા છતાં ભારત કેન્દ્ર સ્થાને દેખાયું.-ફોટોમાં પીએમ મોદીનું સ્થાન ભારતનું વધતું કદ દર્શાવે છે.
-
ફ્રાન્સના રાષ્ટ્રપતિ મેક્રોનના વિશેષ આમંત્રણ પર પીએમ હાજર રહ્યા. ભારત હાલમાં વિશ્વનું સૌથી ઝડપથી વિકસતું અર્થતંત્ર છે.
એવિયન: ફ્રાન્સના એવિયન શહેરમાં યોજાઈ રહેલી પ્રતિષ્ઠિત G-7 સમિટમાંથી એક તસવીર વૈશ્વિક સ્તરે ભારે ચર્ચાનો વિષય બની છે. સમિટના પરંપરાગત ગ્રુપ ફોટોગ્રાફ (Group Photo) માં ભારતના વડાપ્રધાન નરેન્દ્ર મોદી આકર્ષણનું મુખ્ય કેન્દ્ર બન્યા હતા.
રસપ્રદ વાત એ છે કે, ભારત G-7 જૂથનું કાયમી સભ્ય ન હોવા છતાં, આ ગ્રુપ ફોટોમાં પીએમ મોદી બિલકુલ કેન્દ્ર સ્થાને (વચ્ચે) ઉભેલા જોવા મળ્યા હતા. આંતરરાષ્ટ્રીય મંચ પર ભારતનું આ સ્થાન દેશની સતત વધી રહેલી વૈશ્વિક શક્તિ અને પ્રભાવને સ્પષ્ટપણે પ્રતિબિંબિત કરે છે.
રાજદ્વારી નિષ્ણાતો (Diplomatic Experts) ના મતે, આ પ્રકારની આંતરરાષ્ટ્રીય સમિટના ગ્રુપ ફોટોમાં કોઈપણ દેશના વડાને કયું સ્થાન આપવામાં આવે છે, તે માત્ર એક પ્રોટોકોલ નથી હોતો. તે ઘણીવાર વૈશ્વિક મંચ પર તે દેશના કદ, આંતરરાષ્ટ્રીય સંબંધો અને તત્કાલીન ભૌગોલિક-રાજકીય (Geopolitical) મહત્વને દર્શાવે છે. કાયમી સભ્યોની વચ્ચે પીએમ મોદીની કેન્દ્રીય હાજરી એ સાબિત કરે છે કે વૈશ્વિક નિર્ણયોમાં હવે ભારતની ભૂમિકા અનિવાર્ય બની ગઈ છે.
#WATCH | Prime Minister Narendra Modi, other G7 world leaders and invited heads of state stand together for a group photo at the G7 Summit, in Evian, France.
(Video Source: DD News) pic.twitter.com/g2MZ8VU1I2
— ANI (@ANI) June 16, 2026
ઉલ્લેખનીય છે કે, G-7 સમિટ ૨૦૨૬ ના યજમાન દેશ ફ્રાન્સના રાષ્ટ્રપતિ ઇમેન્યુઅલ મેક્રોનના વિશેષ આમંત્રણ પર વડાપ્રધાન નરેન્દ્ર મોદીએ આ સમિટના આઉટરીચ સત્રોમાં હાજરી આપી છે. ભારત હાલમાં વિશ્વમાં સૌથી ઝડપથી વિકસતું અર્થતંત્ર છે, અને આ જ આર્થિક તેમજ રાજદ્વારી મજબૂતીને કારણે વૈશ્વિક નેતાઓ ભારત અને પીએમ મોદીને વિશેષ મહત્વ આપી રહ્યા છે.
