Jio IPO દેશનો સૌથી મોટો IPO આવી રહ્યો છે: મુકેશ અંબાણીની જાહેરાત

• NSE ના અંદાજિત ૩૦,૦૦૦ કરોડ રૂપિયાના IPO અને હ્યુન્ડાઈ મોટર ઇન્ડિયાના ૨૭,૮૭૦ કરોડ રૂપિયા (આશરે ૩.૩ બિલિયન ડોલર) ના ઇશ્યૂને પણ પાછળ છોડી દેશે.

• Jio IPO શેરબજારમાં ભૂકંપ લાવશે! રિલાયન્સ AGMમાં જિયો આઈપીઓ પર વાગી મહોર, હ્યુન્ડાઈનો રેકોર્ડ તૂટશે

• રોકાણકારો લોટરી માટે તૈયાર રહો! ₹10 લાખ કરોડના વેલ્યુએશન સાથે આવશે જિયોનો IPO, મુકેશ અંબાણીએ આપી મોટી ભેટ

મુંબઈ: રિલાયન્સ ઇન્ડસ્ટ્રીઝના ચેરમેન મુકેશ અંબાણીએ શુક્રવારે કંપનીની ૪૯મી વાર્ષિક સામાન્ય સભા (AGM) માં એક ઐતિહાસિક જાહેરાત કરતા જણાવ્યું છે કે જીઓ પ્લેટફોર્મ્સના બોર્ડે તેના ઇનિશિયલ પબ્લિક ઓફરિંગ (IPO) માટેના ડ્રાફ્ટ રેડ હેરિંગ પ્રોસ્પેક્ટસ (DRHP) ને મંજૂરી આપી દીધી છે. આ દસ્તાવેજ શુક્રવારે જ બજાર નિયામક સેબી (SEBI) સમક્ષ ફાઈલ કરવામાં આવશે. મુકેશ અંબાણીએ આ વિકાસને કંપની માટે એક અત્યંત ભાવનાત્મક સીમાચિહ્ન ગણાવ્યો હતો.

Reliance’s Jio Platforms to file DRHP Friday on 16-06-2026, IPO to lead ‘next generation of value creation’: Mukesh Ambani at RIL AGM 

રિલાયન્સની આ એજીએમ પર લાંબા સમયથી રોકાણકારોની નજર ટકેલી હતી, જ્યાં ડિજિટલ બિઝનેસને પબ્લિક લિસ્ટિંગ તરફ લઈ જવા માટે આખરે સત્તાવાર મહોર મારી દેવામાં આવી છે. વૈશ્વિક વ્યૂહાત્મક રોકાણકારો પાસેથી જીઓ પ્લેટફોર્મ્સ દ્વારા ૧.૫ લાખ કરોડ રૂપિયાથી વધુનું ભંડોળ એકત્ર કરાયાના લગભગ છ વર્ષ બાદ આ મહત્વનું પગલું લેવામાં આવ્યું છે.

આ પ્રસ્તાવિત આઈપીઓ ભારતભરમાં અત્યાર સુધીનો સૌથી મોટો પબ્લિક ઇશ્યૂ સાબિત થવાની પૂરેપૂરી સંભાવના છે. બજારના નિષ્ણાતોના મતે, આ ઇશ્યૂ એનએસઈ (NSE) ના અંદાજિત ૩૦,૦૦૦ કરોડ રૂપિયાના આઈપીઓ અને હ્યુન્ડાઈ મોટર ઇન્ડિયાના ૨૭,૮૭૦ કરોડ રૂપિયા (આશરે ૩.૩ બિલિયન ડોલર) ના ઇશ્યૂને પણ પાછળ છોડી દેશે.

ડીઆરચોક્સી ફિનસર્વ પ્રાઇવેટ લિમિટેડના મેનેજિંગ ડિરેક્ટર દેવેન ચોક્સીના જણાવ્યા અનુસાર, રોકાણકારો જીઓ પ્લેટફોર્મ્સનું સ્વતંત્ર લિસ્ટિંગ ૮ લાખ કરોડથી ૧૦ લાખ કરોડ રૂપિયાના વેલ્યુએશન રેન્જમાં જોવા ઈચ્છી રહ્યા છે. આ લિસ્ટિંગથી રિલાયન્સ ઇન્ડસ્ટ્રીઝના શેરના ભાવ પર પણ સકારાત્મક અસર પડશે, કારણ કે હાલમાં કંપનીનો શેર તેના મૂળભૂત વ્યવસાયોનું સંપૂર્ણ મૂલ્ય દર્શાવતો નથી.

રિલાયન્સ શેરધારકો સાથેના પોતાના સંબંધોને ગૌરવ, વિશ્વાસ અને પરસ્પર પ્રગતિ પર આધારિત ગણાવે છે. અગાઉ કંપની આ ઇશ્યૂને ‘ઓફર ફોર સેલ’ (OFS) તરીકે લાવવાનું વિચારી રહી હતી, પરંતુ પાછળથી વેરહાઉસિંગ વગેરે વહિવટી આયોજન હેઠળ વહિવટ બદલીને તેને મુખ્યત્વે ‘ફ્રેશ ઇશ્યૂ’ (નવા શેરની ફાળવણી) સ્વરૂપે લાવવાનું નક્કી કરાયું છે.

ફ્રેશ ઇશ્યૂના માળખા હેઠળ, આઈપીઓ દ્વારા એકત્ર કરાયેલું ભંડોળ સીધું કંપનીને મળે છે, નહીં કે વર્તમાન શેરધારકોને. અત્રે ઉલ્લેખનીય છે કે, આ ફાઇલિંગ અગાઉ માર્ચ મહિનામાં થવાની અપેક્ષા હતી, પરંતુ પશ્ચિમ એશિયામાં ભૌગોલિક રાજકીય અનિશ્ચિતતા અને ઇક્વિટી બજારોમાં જોવા મળેલી ભારે અસ્થિરતાને કારણે કંપનીએ યોગ્ય સમયની રાહ જોઈને લોન્ચિંગ પાછળ ઠેલ્યું હતું.

ટેલિકોમ ઉપરાંત સેટેલાઇટ કોમ્યુનિકેશનમાં વૃદ્ધિની નવી તકો:

આઈપીઓની જાહેરાત ઉપરાંત, રોકાણકારો રિલાયન્સ પાસેથી રિન્યુએબલ એનર્જી (પુનઃપ્રાપ્ય ઊર્જા), ડેટા સેન્ટર્સ અને રિટેલ સેક્ટરમાં ચાલી રહેલા આયોજનો વિશેના અપડેટ્સ મેળવવા પણ આતુર હતા. નિષ્ણાતોના મતે, 5G નેટવર્કના સફળ રોલઆઉટ પછી હવે સેટેલાઇટ કોમ્યુનિકેશન (ઉપગ્રહ સંચાર) જીઓ માટે આગામી સમયમાં વૃદ્ધિની સૌથી મોટી તક તરીકે ઉભરી શકે છે. આ નવો વ્યવસાય કંપની માટે એન્ટરપ્રાઇઝ રેવન્યુનો એક વધારાનો સોર્સ ઊભો કરશે, જેનાથી આગામી વર્ષોમાં જીઓ પ્લેટફોર્મ્સના નફામાં ૨૦ ટકાથી વધુનો ગ્રોથ જોવા મળી શકે છે.