ગુજરાતમાં વિદેશી દારૂ ઠાલવતા નામચીન બુટલેગર ચિરાગ પંચોલીને રાજસ્થાનમાં ઘરેથી દબોચ્યો,બુટલેગરોમાં ફફડાટ  

પ્રતિનિધિ દ્વારા ભિલોડા: ગાંધીજીના ગુજરાતમાં વિદેશી દારૂ ઠાલવવા માટે બુટલેગરોમાં સિલ્ક રૂટ તરીકે જાણીતી અરવલ્લીની રાજસ્થાનને અડીને આવેલી શામળાજી રતનપુર ચેકપોસ્ટ પરથી ગાંધીનગર સુધી ઉંચી પહોંચ ધરાવતા બુટલેગરો  હપ્તારાજની લાલ જાજમ પાથરી કરોડો રૂપિયાનો વિદેશી દારૂ રાજ્યમાં ઠાલવી રહ્યા હોવાની વ્યાપક ચર્ચાઓ ઉઠી છે પરપ્રાંતીય બુટલેગરોની ગાંધીનગરથી લઈ અરવલ્લી,સાબરકાંઠાના કેટલાક  રાજકીય આકાઓ તથા પોલીસ અધિકારીઓ અને કર્મચારીઓ સાથેની ભાઈબંધી પણ અનેકવાર ચર્ચાને કેન્દ્રમાં રહી છે ત્રણે જીલ્લામાં વહીવટદારોની બોલબાલા પણ અધિકારીઓથી ઓછી નથી બુટલેગરોના વહીવટદારો પ્રામાણિક અધિકારીઓને પણ વિવિધ પ્રલોભન આપી લલચાવવાનો પ્રયત્ન કરતા હોય છે

કેટલાક પોલીસતંત્રના અધિકારીઓ અને કર્મચારીઓની છત્રછાયા નીચે બુટલેગરો ફાટીને ધુમાડે જતા પોલીસકર્મી પર હુમલો કરતા પણ ખચકાતા નથી થોડા વર્ષો અગાઉ શામળાજી પીએસઆઇ વાળા પર બુટલેગરે કાર ચઢાવી દેતા મોત નીપજ્યું હતું ત્યારે ગુજરાતમાં વિદેશી દારૂની વિવિધ વાહનો મારફતે લાઈન ચાલવી વર્ષ દહાડે લાખ્ખો કરોડ઼ોં રૂપિયાનો દારૂ ઠાલવનાર અનેક ગુન્હામાં  મોસ્ટ વોન્ટેડ કુખ્યાત બુટલેગર ચિરાગ પંચોલીને અરવલ્લી જીલ્લામાં નવનિયુક ડીવાયએસપી ભરત બસિયા અને તેમની ટીમે ખેરવાડા તેના ઘર નજીકથી ફિલ્મી ઢબે દબોચી લેતા બુટલેગર ચિરાગ પંચોલીના મોતીયા મરી ગયા હતા રાજસ્થાનથી ભિલોડા પોલીસ સ્ટેશનમાં જેલના સળિયા પાછળ ધકેલી દીધો હતો

અરવલ્લી, સાબરકાંઠા અને ગાંધીનગર પોલીસતંત્રના કેટલાક ભ્રષ્ટ અધિકારીઓ અને કર્મચારીઓ સાથે ઘરાબો ધરાવતા રાજસ્થાન ખેરવાડાના બુટલેગર ચિરાગ પંચોલીને નવનિયુક્ત ડીવાયએસપી ભરત બસીયાએ તેના વિસ્તારમાંથી દબોચી લેતા અનેક ભ્રષ્ટ અધિકારીઓ અને કર્મચારીઓ માં ચિરાગ પંચોલી પોલીસ તપાસમાં તેમના નામના વટાણા વેરી નાખે તો પગ તળે રેલો ન આવે તે માટે હવાતિયા મારી રહ્યા હોવાની ચર્ચા પોલીસબેડામાં ચાલી રહી છે જીલ્લા પોલીસવડા મયુર પાટીલે ડીવાયએસપી ભરત બસીયાએ જીવના જોખમે ઝડપી લેતા અભિનંદન પાઠવ્યા હતા