અક્ષય હાથીના ગોબરમાંથી બનેલી ચા પીતો જોવા મળ્યો
મુંબઈ: અક્ષય કુમાર બોલિવૂડના ‘ખેલાડી’ છે અને એડવેન્ચરનો તે ખૂબ શોખિન છે. આ પહેલા ખબર આવી ચૂકી હતી કે તે જોવા મળશે. શોનો પ્રોમો પણ સામે આવી ચૂક્યો છે, જેમાં તે હાથીના ગોબરમાંથી બનેલી ચા પીતો જોવા મળે છે. હાલમાં જ ખેલાડી કુમાર પોતાના બર્થ-ડેના અવસરે પોતાની બેલ બોટમ સ્ટાર હુમા કુરેશી અને શોના હોસ્ટ બેયર ગ્રિલ્સ સાથે ઈન્સ્ટાગ્રામ પર લાઈવ હતો. આ દરમિયાન તેણે ઘણી મજેદાર વાતોનો ખુલાસો પોતાના ફેન્સ સમક્ષ કર્યો હતો.
જેમાં તેણે પોતે પણ ગૌમૂત્ર પીતો હોવાનું જણાવ્યું હતું. આ સાથે જ કેવી રીતે હાથીના ગોબરમાંથી બનેલી ચા પીધી તેના વિશે પણ વાત કરી. અક્ષય કુમારે કોરોનાના ભય વચ્ચે કામ પર પાછો ફર્યો છે. ૧૦ સપ્ટેમ્બરે તેનો બર્થ-ડે હતો. આ અવસરે તે હુમા કુરૈશી સાથે પોતાના ઈન્સ્ટાગ્રામ પર લાઈવ આવ્યો. આ લાઈવ સેશનમાં તેની સાથે બિયર ગ્રિલ્સ પણ હતો. અક્ષયે આ દરમિયાન ઘણા મજેદાર સવાલોના જવાબ આપ્યા. અક્ષય કુમારે ફેન્સ સાથે શેર કર્યું કે તેણે પોતાનો બર્થડે કેવી રીતે સેલિબ્રેટ કર્યો.
તેણે જણાવ્યું કે પોતાના બર્થડે પર તે પરિવાર સાથે હતો અને આખો દિવસ એન્જોય કર્યું. અક્ષયે જણાવ્યું કે તે પરિવાર સાથે પિકનિક પર રહ્યો. હુમા કુરેશી લાઈવ વિડીયો દરમિયાન અક્ષય કુમારને પૂછ્યું કે પ્રોમોમાં તે હાથીના ગોબરમાંથી બનેલી ચા પીતો દેખાય છે. બેયર ગ્રિલ્સ તેને આમ કરવા માટે કેવી રીતે મનાવી શક્યો? આ સવાલનો જવાબ આપતા અક્ષય કુમારે જણાવે છે કે, તે આયુર્વેદિક કારણોથી ગૌમૂત્ર પીતો રહ્યો છે. આ કારણે તેને હાથીના ગોબરમાંથી બનેલી ચા પીવાનું કામ એટલું વધારે મુશ્કેલ નહોતું લાગ્યું.
આ સાંભળીને બેયર ગ્રિલ્સ પણ નવાઈ પામે છે. બેયર ગ્રિલ્સે જણાવ્યું કે શો દરમિયાન અક્ષય દરેક વસ્તુ માટે ખૂબ એક્સાઈટેડ રહેતા હતા. તે ખતરાનો સામનો કરવા માટે ખૂબ જ એક્સાઈડેટ રહેતો હતો. બેયરે જણાવ્યું કે, તેને ભારત ખૂબ પસંદ છે. અહીંના લોકો અને તેમનો પ્રેમ ખેંચે છે. ગ્રિલ્સે અહીંના મરચાં, ક્લાઈમેટ અને મિત્રતાની પ્રશંસા કરી. રણવીર સિંહ લાઈવ દરમિયાન અક્ષયને વિશ કર્યું અને લખ્યું કે મૂછો કડક દેખાઈ રહી છે. તેના પર અક્ષયે જણાવ્યું કે તેના પરિવારને આ બિલકુલ પસંદ નથી, પરંતુ ફિલ્મના કારણે લગાવી છે.
