અનુજ કેશવાનીએ વધુ એક સ્ટાર એક્ટ્રેસનું નામ લીધું
મુંબઈ: સુશાંત સિંહ રાજપૂતના મોત બાદ જે રીતે ડ્રગ્સ ચેટ્સના ખુલાસા થઈ રહ્યા છે તેમાં બોલિવૂડના ઘણા સેલેબ્સ નાર્કોટિક્સ કન્ટ્રોલ બ્યૂરોના નિશાને છે. એનસીબીની ચાલી રહેલી ડ્રગ તપાસમાં હવે વધુ એક પ્રતિષ્ઠિત એક્ટ્રેસનું નામ નીકળીને સામે આવ્યું છે. રિપોર્ટ અનુસાર, હવે વધુ એક જાણીતું નામ એનસીબીની રડાર પર છે.
આ એક્ટ્રેસનું નામ અનુજ કેશવાની સાથે પૂરપરછ દરમિયાન સામે આવ્યું છે. અનુજ પર ડ્રગ પેડલિંગનો આરોપ છે અને સુશાંત સાથે જોડાયેલા કેસમાં તેને અરેસ્ટ કરવામાં આવ્યો છે અને જ્યૂડિશિયલ કસ્ટડીમાં મોકલાયો છે. રિપોર્ટમાં દાવો કરવામાં આવ્યો છે કે, એક્ટ્રેસ પૂર્વ બ્યૂટી પેજેનેટ એવોર્ડ વિનર છે. એ વાત પણ જાણવા મળી છે કે, એનસીબીને એક્ટ્રેસ અને ટેલેન્ટ મેનેજરની વચ્ચે થયેલી ડ્રગ્સ રિલેટેડ ચેટ્સ મળી છે. ટેલેન્ટ મેનેજર અનુજની ગર્લફ્રેન્ડ હોવાનું કહેવામાં આવી રહ્યું છે.
રિપોર્ટ અનુસાર, એક્ટ્રેસને આગામી સપ્તાહે સમન મોકલવામાં આવી શકે છે.રિપોર્ટ અનુસાર અનુજે જે પણ જાણકારી આપી તેના આધારે એનસીબીએ ઘણી જગ્યાએ તપાસ કરી. જણાવી દઈએ કે, અનુજને ત્યારે અરેસ્ટ કરવામાં આવ્યો હતો જ્યારે કૈજાન ઈબ્રાહિમે તેના નામનો ખુલાસો કર્યો હતો.
