Western Times News

Latest News from Gujarat

કસૌટી જિંદગીકી બાદ હવે એરિકા મ્યૂઝિક વીડિયોમાં

મુંબઈ: સીરિયલ કસૌટી જિંદગી કી ૨ની પ્રેરણા એટલે કે એરિકા ફનાર્ન્ડિઝ ટૂંક સમયમાં જ એક મ્યૂઝિક વિડીયોમાં જોવા મળશે. આ વિડીયો માટે પહેલીવાર એરિકા ટેલિવિઝન એક્ટર હર્ષદ ચોપડા સાથે જોડી જમાવશે. એરિકાએ ફેન્સને આ વિડીયોની એક ઝલક દેખાડી છે ત્યારથી તેમના ઉત્સાહનું ઠેકાણું નથી. અગાઉ એરિકાએ કંઈક રસપ્રદ આવી રહ્યું હોવાની હિન્ટ આપી હતી પરંતુ તે હર્ષદ સાથે કોઈ પ્રોજેક્ટ કરી રહી છે તેનો ફોડ પાડ્યો નહોતો. જો કે, હવે એરિકા ફનાર્ન્ડિઝે તેની ‘મોટી’ સરપ્રાઈઝનો ખુલાસો કરી દીધો છે. એરિકાએ પોતાની લેટેસ્ટ પોસ્ટ દ્વારા હર્ષદ સાથેના મ્યૂઝિક વિડીયોનો પહેલો લૂક શેર કર્યો છે.

એરિકા અને હર્ષદ ચોપડાએ ગોવામાં આ મ્યૂઝિક વિડીયોનું શૂટિંગ કર્યું છે. એરિકાએ હર્ષદ સાથેના વિડીયોની ઝલક બતાવ્યા પછી બંને એક્ટર્સના ફેન્સની ખુશી સાતમા આસમાને છે. પોતાના ફેવરિટ એક્ટર્સને એકબીજા સાથે જોઈને તેઓ આનંદિત છે. એરિકાએ શેર કરેલા મોશન પોસ્ટરમાં એક્ટ્રેસ બ્લૂ અને યલો બીચવેરમાં હંમેશાની જેમ ખૂબસૂરત લાગી રહી છે. તો હર્ષદનું ફ્લોરલ બ્લૂ શર્ટ બીચ વાઈબ્સ આપી રહ્યું છે. હર્ષદ સાથેની ગોવા ડાયરીઝની ઝલક બતાવીને એરિકાએ જણાવ્યું છે હાલ કામ ચાલી રહ્યું છે અને તેણે મ્યૂઝિક વિડીયોની દુનિયામાં પગ મૂક્યો છે. હર્ષદ ચોપરા અને એરિકા ફનાર્ન્ડિઝ પહેલીવાર કોઈ પ્રોજેક્ટમાં સાથે કામ કરી રહ્યા છે.

તેમ છતાં ફેન્સ તેમની જોડી પર ઓવારી ગયા છે. ફેન્સએ એરિકા અને હર્ષદ બંનેના નામ ભેગા કરીને તેમની જોડીને એરિશાદ નામ આપ્યું છે. ફેન્સ આ મ્યૂઝિક વિડીયો માટે આતુર છે ત્યારે હાલ તો આ અંગેની વધુ વિગતો સામે આવી નથી.

જો કે, વિડીયોના પોસ્ટરને જોતાં લાગે છે કે પ્રેમ અને દરિયાકિનારાને આવરી લેતું આ ગીત હશે. વર્કફ્રંટની વાત કરીએ તો હર્ષદ ચોપડા છેલ્લે સીરિયલ બેપનાહમાં જેનિફર વિંગેટ સાથે જોવા મળ્યો હતો. તો એરિકા ફનાર્ન્ડિઝ એકતા કપૂરની સીરિયલ કસૌટી જિંદગી કી ૨માં પ્રેરણાના રોલમાં જોવા મળી હતી. આ સીરિયલમાં એરિકા સાથે પાર્થ સમથાન લીડ રોલમાં હતો. આ સીરિયલનો છેલ્લો એપિસોડ ૩ ઓક્ટોબરે પ્રસારિત થવાનો છે. કસૌટી જિંદગી કી ૨ ૨૦ વર્ષ પહેલા આવેલી એકતા કપૂરની સીરિયલની ‘કસૌટી જિંદગી કી’ની રિમેક હતી.

Copyright © All rights reserved. | Developed by Aneri Developers