પરિણીતી-રાઘવ ચઢ્ઢાના ૨૪ સપ્ટેમ્બરે લગ્ન થશે

મુંબઈ, પરિણીતી ચોપરા અને રાઘવ ચઢ્ઢા ૨૪ સપ્ટેમ્બરે લગ્નના પવિત્ર બંધનમાં બંધાવા જઈ રહ્યા છે. આ લગ્નની ચર્ચા માત્ર ભારતમાં જ નહીં પરંતુ સમગ્ર વિશ્વમાં થઈ રહી છે. આ જ કારણ છે કે લોકો આ લગ્ન સાથે જાેડાયેલી દરેક વસ્તુ સર્ચ કરવા માંગે છે. તમને જણાવી દઈએ કે પરિણીતી ચોપરા અને રાઘવ ચઢ્ઢાએ તેમના લગ્ન માટે ઉદયપુરની સૌથી લોકપ્રિય હોટેલ ધ લીલા પેલેસ પસંદ કરી છે.

આ હોટલની ગણતરી દેશની સૌથી મોંઘી હોટલોમાં થાય છે. અહીંનું ભાડું એટલું છે કે તમે તેના વિશે સાંભળીને ચોંકી જશો. આવો અમે તમને જણાવીએ કે આ હોટલમાં આવનારા મહેમાનો જે ભોજન કરશે તેની કિંમત શું હશે ?

એમાં કોઈ શંકા નથી કે આ હોટેલ દેશની સૌથી મોંઘી હોટેલોમાંની એક છે. પરંતુ આ હોટેલની સુંદરતા અને અહીંની સુવિધાઓ એટલી શાનદાર છે કે તમે તેના રેટને લઈને પરેશાન નહીં થાવ. મહારાજા સ્યુટ આ હોટેલના સૌથી ખાસ રૂમોમાંથી એક છે. આ સાથે આ હોટલમાં એક બેન્ક્‌વેટ હોલ પણ છે, જેમાં લગભગ ૨૦૦ લોકો એકસાથે આવી શકે છે. આ હોટેલની સૌથી ખાસ વાત એ છે કે આ આખી હોટલ એક તળાવની વચ્ચે આવેલી છે.

આ હોટેલની બહારની જગ્યામાં ૧૦૦ લોકો આરામથી રહી શકે છે. આ હોટલની ગણતરી શાહી લગ્ન માટે રાજસ્થાનની શ્રેષ્ઠ હોટલોમાં થાય છે. તમને જણાવી દઈએ કે, આ હોટલને વર્ષ ૨૦૧૯માં ન્યૂયોર્કના પ્રખ્યાત ટ્રાવેલ મેગેઝિન Travel Leisure îkh દ્વારા બેસ્ટ હોટેલ અને રિસોર્ટનો એવોર્ડ આપવામાં આવ્યો હતો.

એક વેબસાઈટના રિપોર્ટ અનુસાર લીલા પેલેસ, ઉદયપુરમાં વેજ ફૂડની એક પ્લેટનો રેટ ૮૦૦૦ રૂપિયા છે. નોન-વેજ ફૂડની એક પ્લેટ માટે પણ તમારે ફક્ત ૮,૦૦૦ રૂપિયા ચૂકવવા પડશે. આ સાથે તમારે પ્લેટ પર અલગથી ટેક્સ ચૂકવવો પડશે. મતલબ કે પરિણીતી ચોપરા અને રાઘવ ચઢ્ઢાના લગ્નમાં ૨૦૦ લોકો આવે તો પણ તેમને માત્ર ખાવા માટે ૧૬ લાખ રૂપિયા ચૂકવવા પડશે.SS1MS