ફ્લોપ ફિલ્મથી રાતોરાત ચમક્યું વિજય રાજનું નસીબ

મુંબઈ, બોલિવૂડના દિગ્ગજ અભિનેતા વિજય રાજનો અભિનય દરેક ફિલ્મ દર્શકોના હૃદય સુધી પહોંચે છે. ફિલ્મ ફ્લોપ હોય કે હિટ, જેમાં વિજય રાજની એક્ટિંગ અને તેના ફેન્સને કોઈ ફરક પડતો નથી. જાેરદાર કોમેડી ટાઇમિંગ અને અભિનય કૌશલ્યના આધારે, વિજય રાજ ૩ દાયકાથી વિવિધ પાત્રો ભજવ્યા છે.

૫ જૂન ૧૯૬૩ના રોજ દિલ્હીમાં જન્મેલા વિજય રાજે નેશનલ સ્કૂલ ઓફ ડ્રામામાંથી અભિનયની બારીકીઓ શીખી હતી. ૮૦ના દાયકામાં પાસ આઉટ થયા બાદ વિજય રાજે લગભગ ૧૦ વર્ષ સુધી દિલ્હીમાં થિયેટર કરવાનું ચાલુ રાખ્યું. વર્ષ ૨૦૦૪માં ફ્લોપ ફિલ્મ રનથી રાતોરાત સ્ટાર બની ગયેલા વિજય રાજની જિંદગી પણ ઘણી અલગ રહી છે. પરંતુ શું તમે જાણો છો કે, વિજય રાજે કેટલીક રાત જેલમાં પણ વિતાવી છે. વાસ્તવમાં, વર્ષ ૨૦૦૫માં, તે ફિલ્મ દીવાને હુયે પાગલના શૂટિંગ માટે અબુ ધાબી ગયો હતો.

જ્યારે તે અહીં એરપોર્ટથી નીકળી રહ્યો હતો ત્યારે સિક્યુરિટીએ વિજય રાજને રોક્યો હતો. આ પછી તેઓએ તેની શોધખોળ શરૂ કરી. સુરક્ષા અધિકારીઓને વિજય રાજની બેગમાંથી ૬ ગ્રામ ગાંજા મળી આવ્યો હતો. આ પછી તેની ધરપકડ કરીને જેલમાં મોકલી દેવામાં આવ્યો હતો.

અહીં થોડા દિવસ જેલમાં રહ્યા બાદ વિજય રાજના યુરિન અને બ્લડ સેમ્પલ લેવામાં આવ્યા હતા. જેમાં તેઓ નેગેટિવ જાેવા મળ્યા હતા. આ પછી તેને છોડી મૂકવામાં આવ્યો હતો. વિજય રાજ લગભગ ૨ દાયકાથી ફિલ્મોમાં કામ કરી રહ્યા છે. લગભગ ૧૦ વર્ષ સુધી દિલ્હીમાં થિયેટર કર્યા પછી, નસીરુદ્દીન શાહની સલાહે વિજય રાજની કારકિર્દી બનાવી. વાસ્તવમાં દિલ્હીના થિયેટરમાં એક નાટક ચાલી રહ્યું હતું.

આ નાટકમાં વિજય રાજ અભિનય કરતો હતો. આ નાટક જાેવા માટે નસીરુદ્દીન શાહ પણ પહોંચ્યા હતા. વિજય રાજની એક્ટિંગ જાેઈને નસીરુદ્દીન શાહ ખૂબ જ પ્રભાવિત થયા હતા. નસીરુદ્દીન શાહે વિજયને મુંબઈ આવવાનું સૂચન કર્યું.SS1MS