ચાંદખેડામાં પૂર્વ નેતા દિનેશ શર્મા માટે અસ્તિત્વનો જંગ

મિશ્ર પરિણામની શક્યતા

ચાંદખેડા વોર્ડમાં ર૦૧૯ની ચૂંટણીમાં ભાજપની પેનલનો વિજય થયો હતો જયારે ર૦૧પમાં કોંગ્રેસના ફાળે એક બેઠક આવી હતી. કોંગ્રેસના રાજેશ્રીબેન કેસરી વિજેતા જાહેર થતા ભાજપના પેનલ અને દબદબો તૂટ્યા હતા નોંધનીય બાબત એ છે કે ર૦૧પમાં ભાજપમાંથી જયંતિભાઈ જાદવ જીત્યા હતા જેઓ રાજેશ્રીબેન કેસરીના મામા થાય છે.

ર૦ર૧માં તેઓ નવા નિયમના દાયરામાં આવ્યા હોવાથી તેમને ટિકિટ આપવામાં આવી નથી. ર૦ર૧માં પણ ચાંદખેડા વોર્ડમાં મિશ્ર પરિણામ આવે તેવી શક્યતા છે. જાેકે તેમાં એક ઉલટફેર થઈ શકે છે તથા કોંગ્રેસના ફાળે ત્રણ અને ભાજપને એક બેઠક મળશે તેમ નિષ્ણાતો માની રહયા છે. કોંગ્રેસમાં દિનેશ શર્મા અને રાજેશ્રીબેન કેસરીના કારણે પેનલ મજબુત બની છે. તેથી કદાચ પેનલનો વિજય થઈ શકે છે.

આંકડાકીય સમીકરણ

અમદાવાદ અને ગાંધીનગર શહેરની બોર્ડર પર આવેલા ચાંદખેડા વોર્ડમાં કુલ મતદારોની સંખ્યા ૧૦૧૬ર૯ છે. જેમાં પુરુષ મતદારો પર૪૧ર અને સ્ત્રી મતદારોની સંખ્યા ૪૯ર૧૬ છે. અન્ય મતદારની સંખ્યા એક છે. ર૦૧પની ચૂંટણીમાં જે ચાર ઉમેદવારો ચૂંટણી જીત્યા હતા તેમાં ભાજપના કલ્પનાબેન વૈદ્યને ૧૩૮૮ર, જયંતિભાઈ જાદવને ૧૭૭૪પ તથા અરૂણસિંહ રાજપૂતને ૧પ૦૧૭ મત મળ્યા હતા જયારે કોંગ્રેસના રાજેશ્રીબેન કેસરીને ૧૩૬૧૪ મત મળ્યા હતા.

ર૦૧પમાં ચાંદખેડાના ૪૦૭૮૭ મતદારોએ તેમના બંધારણીય હક્કનો ઉપયોગ કર્યો છે. જે કુલ મતદારોના ૪૭.૮૩ ટકા હતા. ર૦૧પમાં મતદારોની સંખ્યા ૮પ૯૦૧ હતી નવા સીમાંકન બાદ ચાંદખેડામાં લગભગ ૧૬ હજાર મતદારો વધ્યા છે. જયારે વોર્ડનું કુલ ક્ષેત્રફળ ૧૧.૯૦ ચોરસ કિલોમીટર છે. જ્ઞાતિ સમીકરણ મુજબ જાેવામાં આવે તો ચાંદખેડામાં હિન્દીભાષી અને દલિત સમાજના મતદારોની સંખ્યા વધારે છે. હિન્દી ભાષી મતદારોની સંખ્યા ૩પ હજાર, દલિત સમાજના રપ હજાર મતદાર છે. જયારે પટેલ સમાજના ૦પ હજાર અને ઓ.બી.સી. મતદારોની સંખ્યા ર૩ હજાર છે.

સમસ્યા

અમદાવાદ મ્યુનિસિપલ કોર્પોરેશનની હદમાં લગભગ ૧૩ વર્ષ પહેલા સમાવિષ્ટ થયેલા ચાંદખેડા વોર્ડમાં પ્રાથમિક સુવિધાનો અભાવ જાેવા મળે છે. અહીંના ર૦ થી ૩૦ ટકા વિસ્તારોમાં પાણીના નેટવર્ક નથી તથા નાગરીકો બોર આધારિત પાણી પીવા મજબુર બની રહયા છે. ચાંદખેડાના અનેક રીઝર્વ પ્લોટ પર ભૂ-માફીયાઓના દબાણ થઈ ગયા છે.

ટી.પી. અંતર્ગત મળેલા પ્લોટના નકકર આયોજન કરવામાં આવ્યા નથી. તેથી બિલ્ડર લોબી દ્વારા પણ તેની પર દબાણ કરવામાં આવ્યા છે. નવી ટી.પી. સ્કીમોમાં નિયમ મુજબ સીનિયર સીટીઝન પાર્ક, બગીચા, જીમ્નેશીયમ, રમત ગમત મેદાન, સ્વીમીંગ પુલ, લાયબ્રેરી વગેરેનો અભાવ છે. ટી.પી. સ્કીમોના રોડ ખોદવામાં આવ્યા છે

પરંતુ નવા રોડ બનાવવામાં આવ્યા નથી ખાનગી અને મ્યુનિ. પ્લોટોમાં પારાવાર ગંદકી થઈ ગઈ છે. અમદાવાદ-ગાંધીનગરને જાેડતો વી.આઈ.પી. વિસ્તાર હોવા છતાં ટ્રાફિક સમસ્યા જાેવા મળે છે. ચાંદખેડામાં મ્યુનિ. કોર્પોરેશન સંચાલિત હોસ્પિટલ માટે ઘણા સમયથી માંગણી કરવામાં આવી છે પરંતુ તંત્ર દ્વારા ધ્યાન આપવામાં આવ્યુ નથી.