ગોપી બહૂના ઠુમકા જાેઈને ચાહકોના હોશ ઊડી ગયા
મુંબઈ: ટીવી શો સાથ નિભાના સાથિયામાં ગોપી બહૂનો કિરદાર કરીને ઘર-ઘરમાં લોકપ્રિય થઈ ચુકેલી દેવોલીના ભટ્ટાચર્જી હંમેશા કોઈકને કોઈક કારણોસર ચર્ચામાં રહે છે. છેલ્લાં કેટલાંક સમયથી તે પોતાનો બોલ્ડ અંદાજ બતાવીને ચાહકોને લુભાવી રહી છે. પહેલાં એક સામાન્ય ચાદરનો કટકો વીટીને તેણે ફોટા પડાવ્યાં હતાં. અને આ ફોટાએ સોશલ મીડિયામાં ધૂમ મચાવી હતી. તો આ વખતે તો તેણે હદ જ કરી દીધી. સંસ્કારી બહૂના બોલ્ડ ડાંસનો વીડિયો જાેઈને તમે પણ હલી જશો. દેવોલીના ભટ્ટાચર્જી હાલ બેલી ડાન્સ શીખી રહી છે.
ટીવી એક્ટર્સ હોય કે બોલીવુડના સિતારા, સેલેબ્સ પોતાની જાતને વધુ સારી બનાવવા માટે કામ કરતા રહે છે. આ સિવાય તેઓ જે ક્ષેત્રમાં છે તેમાં મેઈન સ્ટ્રીમમાં રહેવા માટે કાંઈક ને કાંઈક નવું શિખતા રહેવું પણ જરૂરી છે. ટીવી શો સાથ નિભાના સાથિયામાં ગોપી બહૂનો કિરદાર કરીને ઘર-ઘરમાં લોકપ્રિય થઈ ચુકેલી દેવોલીના ભટ્ટાચર્જી હાલ બેલી ડાન્સ શીખી રહી છે. દેવોલીનાએ પોતાના ઈન્સ્ટાગ્રામ અકાઉન્ટ પરથી એક વીડિયો શેર કર્યો છે જેમાં તે બોલ્ડ અવતારમાં બેલી ડાન્સ કરતી જાેવા મળી રહી છે.ટીવી શો સાથ નિભાના સાથિયામાં દેવોલીનાનો કિરદાર એક સંસ્કારી વહૂનો હતો. જાે કે, રિયલ લાઈફમાં તે બિંદાસ જિંદગી જીવવામાં માને છે.
તેના સોશિયલ મીડિયા અકાઉન્ટ પર રહેલી તસવીરો અન વીડિયો આ વાતનો પુરાવો છે. વાત કરીએ દેવોલીનાએ શેર કરેલા વીડિયોની તો, તેમાં તે એક અંગ્રેજી ગીતના બીટ્સ પર દિલકશ ઠુમકા લગાવતી નજરે પડી રહી છે. વીડિયોને શેર કરતા દેવોલીનાએ લખ્યું કે, પ્રેક્ટિસ, પ્રેક્ટિસ, પ્રેક્ટિસ. આ ડાન્સ ફૉર્મથી મને પ્રેમ થઈ ગયો છે. હજી સુધી હું એટલું નથી શીખી શકી કે એક આખો ડાન્સ વીડિયો પોસ્ટ કરી શકું પરંતુ હું શીખી રહી છું.
દેવોલીનાએ લખ્યું કે, મને વિશ્વાસ છે કે હું જલ્દી જ મારો આખો કોર્સ પુરો કરી લઈશ અને તમારી સાથે તેને શેર કરીશ. ત્યાં સુધી તમે એન્જૉય કરો. દેવોલીનાના ડાન્સને લાખો ચાહકોએ લાઈક કર્યો છે. જ્યાં સુધી કમેન્ટ સેક્શનની વાત છે તો એક યૂઝરે તો એવું પણ પુછ્યું કે ગોપી બહૂ આ શું છે? એક યૂઝરે દેવોલીનાને ડાન્સિંગ દિવા ગણાવી છે. તો કોઈએ તેને બેક પેઈન મામલે ચિંતા વ્યક્ત કરી છે.
