12th ફેઇલ’એ ‘ગદર’નો વિક્રમ તોડીને સિલ્વર જ્યુબલી ઉજવી
મુંબઈ, વિક્રાંત મેસીની ‘૧૨ંર ફેઇલ’ વર્ષ ૨૦૨૩ની સૌથી સફળ ફિલ્મો પૈકીની એક છે, જે દર્શકોને ખૂબ પસંદ આવી છે. ફક્ત ૨૦૨૩માં જ નહીં, વર્ષ ૨૦૨૪માં પણ આ ફિલ્મને દર્શકો આવકારી રહ્યા છે. આ જ કારણે આ ફિલ્મ સની દેઓલની ‘ગદર’ ફિલ્મનો રેકોર્ડ તોડી નાખ્યો છે.
રસપ્રદ વાત એ છે કે છેલ્લા ૨૩ વર્ષમાં કોઇ પણ ફિલ્મ આ પ્રકારની સફળતા હાંસલ કરી શકી નથી. વિક્રાંત મેસીએ પોતાના ઈન્સ્ટાગ્રામ પર ‘૧૨th ફેઇલ’ ફિલ્મનું પોસ્ટર શેયર કર્યું, જેમાં તે અભિનેત્રી મેધા શંકર જોવા મળી રહ્યા છે.
આ પોસ્ટરને શેર કરીને વિક્રાંત મેસીએ લખ્યું કે, ‘૨૫ સપ્તાહ, સિલ્બર જ્યુબલી.’ તેનો અર્થ એ થયો કે આ ફિલ્મ રિલીઝ થયાને ૨૫ સપ્તાહ પૂર્ણ થયા છે અને હજુ સુધી ફિલ્મ સિનેમાઘરોમાં લોકોનું મનોરંજન કરી રહી છે. અભિનેતાએ પોતાની એક પોસ્ટ થકી જણાવ્યું છે કે છેલ્લા ૨૩ વર્ષમાં કોઇ પણ ફિલ્મ આવો મુકામ હાંસલ કરી શકી નથી.
ઉલ્લેખનીય છે કે ૨૩ વર્ષ પહેલા સની દેઓલની ‘ગદર’ ફિલ્મે આ રિકોર્ડ બનાવ્યો હતો. રિપોર્ટ મુજબ, ‘૧૨th ફેઇલ’એ ભારતીય બોક્સ ઓફિસ પર ૫૬.૭૫ કરોડ રુપિયાની કમાણી કરી છે.
જ્યારે વર્લ્ડ વાઇડ બોક્સની વાત કરીએ તો આ ફિલ્મે બોક્સ ઓફિસ પર ૬૯.૬૪ કરોડનો બિઝનેસ કર્યો છે. આ ફિલ્મનું દિગ્દર્શન વિધુ વિનોદ ચોપડાએ કર્યું છે અને તેની સ્ટોરી આઇપીએસ અધિકારી મનોજ કુમાર શર્મા પર આધારીત છે.SS1MS
