દિવ્યાંકા ત્રિપાઠી ઊંચાઈ પરથી પડતા હાથમાં બે ફ્રેક્ચર થયાં
મુંબઈ, ટેલિવિઝન એક્ટર દિવ્યાંકા ત્રિપાઠીને મહિનામાં બીજી વખત હોસ્પિટલમાં સારવાર લેવાની ફરજ પડી છે. સફળ લિગામેન્ટ સર્જરી બાદ દિવ્યાંકા અકસ્માતે ઊંચાઈ પરથી પડી હતી અને હાથમાં બે ફેક્ચર થયા હતા.
દિવ્યાંકાને તાત્કાલિક સર્જરી કરવાની સલાહ અપાઈ હતી. દિવ્યાંકા હાલ હોસ્પિટલમાં છે અને તબિયત સ્થિર છે. પતિ વિવેક દહિયાએ સોશિયલ મીડિયા પર ૩૯ વર્ષીય દિવ્યાંકાના હાથનો એક્સ-રે શેર કર્યો હતો. જેમાં દિવ્યાંકાના હાથ પર બે ફ્રેક્ચર જણાતા હતા.
ગુરુવારે સાંજે દિવ્યાંકા ઊંચાઈ પરથી નીચે પડી હોવાની માહિતી વિવેકે આપી હતી. વિવેકની પોસ્ટને ઘણાં રિસ્પોન્સ મળ્યા હતા. જેના જવાબમાં વિવેકે તમામ ચાહકો અને શુભેચ્છકોનો આભાર માનતા જણાવ્યુ હતું કે, દિવ્યાંકા હાલ તકલીફમાં છે અને તેમાંથી બહાર આવવા માટે પરિવાર સાથે સમય વીતાવે તે જરૂરી છે.
દિવ્યાંકાને અકસ્માત બાદ વિવેક દહિયાએ પોતાનું લાઈવ સેશન કેન્સલ કર્યું હતું. શુક્રવારે વિવેકની ઈવેન્ટ યોજાવાની હતી, પરંતુ તેને મોકૂફ રાખવામાં આવી છે. દિવ્યાંકાને ગુરુવારે સાંજે હોસ્પિટલમાં લઈ જવાઈ હતી અને સર્જરી હાથ ધરવામાં આવી હતી. દિવ્યાંકાના સાજા થયા બાદ ફરી કામ પર પાછા ફરવાની જાહેરાત વિવેકે કરી છે.SS1MS
