‘બેડ ન્યૂઝ’માં ‘એનિમલ’ફિલ્મનું પુનરાવર્તન: તૃપ્તિની હિટ ફોર્મ્યુલા
મુંબઈ, રણબીર કપૂર સાથેની ‘એનિમલ’માં બોલ્ડ દૃશ્યોના પગલે તૃપ્તિ ડીમરી રાતોરાત ચર્ચામાં આવી હતી. આ ફિલ્મની સફળતા બાદ તૃપ્તિ પાસે ઢગલાબંધ ફિલ્મોની ઓફર આવી રહી છે અને તૃપ્તિને ઝડપથી સ્ટાર કેટેગરીમાં સ્થાન મળી ગયું છે.
‘એનિમલ’ બાદ તૃપ્તિએ બોલ્ડ દૃશ્યોની મદદથી સફળતાનું પુનરાવર્તન કરવાનું વિચાર્યું હોય તેમ જણાય છે. ફિલ્મ મેકર્સ પણ તૃપ્તિ પાસે ‘એનિમલ’ જેવી જ અપેક્ષા રાખી રહ્યા છે અને તૃપ્તિની આ ઈમેજને જ પ્રમોટ કરી રહ્યાં છે. વિકી કૌશલ સાથે તૃપ્તિની આગામી ફિલ્મ બેડ ન્યૂઝ આવી રહી છે.
આ ફિલ્મમાં પણ તૃપ્તિએ દિલ ખોલીને બોલ્ડ દૃશ્યો આપ્યા છે. વિકી કૌશલ અને તૃપ્તિ પહેલી વાર સાથે ફિલ્મ કરી રહ્યા છે. ‘બેડ ન્યૂઝ’માં તેઓ રોમાન્સને બિન્દાસ અને બોલ્ડ રીતે દર્શાવી રહ્યાં છે. તૃપ્તિ અને વિકીની હોટ કેમિસ્ટ્રી ફિલ્મની રિલીઝ પહેલાં જ ચર્ચા જગાવી રહી છે.
તાજેતરમાં આ ફિલ્મનું ગીત જાનેમન રિલીઝ થયું હતું. ફિલ્મના મેકર્સ આ તેને ‘સેક્સીએસ્ટ સોન્ગ ઓફ ધ યર’ જણાવી રહ્યા છે. આ ગીતની પહેલી ઝલક જોતાં નેટિઝન્સ પણ આ દાવા સાથે સંમત છે.
વિકીએ પહેલી વખત ફિલ્મમાં બોલ્ડ રોમેન્ટિક દૃશ્યો આપ્યા છે. તેથી ઘણાં નેટિઝન્સે કોમેન્ટ કરી હતી કે, આવા સીન જોયાં બાદ કેટરિનાએ વિકીને ધમકાવ્યો હશે. ‘બેડ ન્યૂઝ’માં વિકી અને તૃપ્તિની સાથે એમી વિર્ક અને નેહા ધુપિયા પણ મહત્ત્વના રોલમાં છે.
આનંદ તિવારીના ડાયરેક્શનમાં બનેલી આ ફિલ્મ ૧૯ જુલાઈએ રિલીઝ થઈ રહી છે. રિલીઝ પૂર્વે ઉત્સુકતા ઊભી કરવામાં આ ગીત સફળ થઈ રહ્યું હોય તેમ જણાય છે.SS1MS
