ઓલમ્પિકમાં મેડલ બદલ બોલિવૂડે મનુ ભાકરને વધાવી લીધી

મુંબઈ, બોલિવૂડ સ્ટાર્સ જેવા કે કરીના કપૂર, આલિયા ભટ્ટ, અનુષ્કા શર્માએ ભારતનાં ગૌરવ મનુ ભાકરને પેરિસ ઓલમ્પિક ૨૦૨૪માં પહેલું મેડલ જીતવા બદલ અભિનંદન પાઠવ્યાં હતાં.

મનુ ભાકરે પેરિસ ઓલમ્પિક ૨૦૨૪માં ૨૮ જુલાઈ, રવિવારે વીમેન્સ ૧૦ મીટર પિસ્તોલ શૂટિંગમાં ભારત માટે બ્રોન્ઝ મેડલ જીતીને દેશને ગૌરવ અપાવ્યું છે. તેની આ જીતને ધ્યાનમાં લઇને બોલિવૂડ સેલેબ્રિટીઝે તેને સોશિયલ મીડિયા પર અભિનંદન પાઠવ્યા હતાં.

૨૦૨૪ના ઓલમ્પિકમાં મેડલ જીતનારી પહેલી મહેલા બનીને મનુ ભાકરે ઇતિહાસ રચ્યો છે. કરીના કપૂરે ઇન્સ્ટાગ્રામ પર મનુને અભિનંદન આપતી સ્ટોરી પોસ્ટ કરી હતી. તેણે લખ્યું,“ફર્સ્ટ હોમ વિન. અભિનંદન મનુ ભાકર, તે અમને બધાને ખૂબ ગૌરવાન્વિત અનુભવ કરાવ્યો છે.”

અનુષ્કા શર્માએ પણ આ બ્રોન્ઝ વિજેતા માટે પોતાના ઇન્સ્ટાગ્રામ પર સ્ટોરી પોસ્ટ કરી હતી. તેણે લખ્યું, “શૂટિંગ ફોર ધ સ્ટાર્સ એન્ડ ક્રિએટિંગ હિસ્ટ્રી. અભિનંદન મનુ ભાકર, અમને બધાને તારા પર ખૂબ ગૌરવ છે.” આલિયા ભટ્ટે પણ અભિનંદન આપતી પોસ્ટ લખી હતી,“આપણું પહેલું મેડલ આવી ગયું છે.

આ અદ્દભુત સિદ્ધી પર ખૂબ અભિનંદન.” અર્જુન કપુર પણ આ લહેરમાં જોડાઈ ગયો હતો અને લખ્યું હતું,“અમેઝિંગ મનુ ભાકરને અભિનંદન. કીપ પૂશિંગ બાઉન્ડ્રીઝ એન્ડ મેકિંગ હિસ્ટ્રી.” સિદ્ધાર્થ મલ્હાત્રાએ પણ અભિનંદન આપતાં લખ્યું હતું,“અભિનંદન મનુ ભાકર, તું એક સ્ટાર છે. ભારતની ટીમને કેવી જોરદાર શરૂઆત અપાવી છે, ઉત્તરોત્તર આગળ વધતાં રહો.”

મનુને તાપસી પન્નુ અને પ્રિટી ઝીંટા સહિતના કલાકારોએ પણ અભિનંદન આપ્યા હતા. ૨૦૨૦ના ટોક્યો ઓલમ્પિકમાં તેનું સાધન ખોટવાતાં મનુ ભાકરને નિરાશા સાંપડી હતી અને તે મેડલ ચૂકી ગઈ હતી.

૧૦ મીટર પિસ્તોલની ક્વોલિફાયિંગ મૅચ વખતે તેની પિસ્તોલ ચોંટી ગઈ હતી, જેના કારણે તેના પ્રદર્શન પર બહુ જ વધારે અસર કરી હતી. આ સાથે તે મિક્સ્ડ ટીમ ૧૦ મીટરમાં અને ૨૫ મીટરમાં પણ ક્વોલિફાય થવાથી ચૂકી ગઈ હતી. ત્યારે આ તેના માટે ઐતિહાસિક સિદ્ધિ સાબિત થઈ છે.SS1MS