ક્રિસમસ પહેલાં જ અમદાવાદ-ગોવાનું વન-વે એરફેર ૧૮૦૦૦ પહોંચ્યું

મુંબઈ, ક્રિસમસ-ન્યૂ યરની ઉજવણી માટે ગોવા જવાનું આયોજન કરી રહ્યા હશો તો સામાન્ય દિવસોની સરખામણીએ ખૂબ જ એરફેર ચૂકવવું પડશે. કેમકે, અમદાવાદ-ગોવાનું મહત્તમ એરફેર રૂપિયા ૧૮ હજાર થઇ ગયું છે. સામાન્ય દિવસોમાં અમદાવાદ-ગોવાનું વન-વે એરફેર રૂપિયા ૩૭૦૦થી ૪૦૦૦ આસપાસ હોય છે.આ અંગે પ્રાપ્ત માહિતી અનુસાર ગોવામાં ક્રિસમસ વેકેશન માટે દિવાળી બાદથી જ ઈન્ક્વાયરી વધી ગઈ છે.

આ તકનો લાભ લઈને એરલાઈન્સે એરફેરમાં તોતિંગ વધારો કરી દીધો છે. જાણકારોના મતે, ઘણી એરલાઇન્સ કે એજન્ટ આ પ્રકારની સિઝનમાં ટિકિટ પોતાની પાસે રાખી લેતા હોય છે. ડિમાન્ડ વધે તેમ વધુ ભાવ સાથે તેનું વેચાણ કરે છે. ેંએરફેર ઉપરાંત ગોવાની હોટેલ-રિસોર્ટના ભાવમાં પણ તબક્કાવાર વધારો થઈ રહ્યો છે.

ગોવા ઉપરાંત દુબઈ, થાઈલેન્ડ, વિયેતનામ પણ ક્રિસમસ વેકેશનમાં અનેક લોકોની પસંદ છે. જેમાં અમદાવાદ-દુબઈનું મહત્તમ વન-વે એરફેર રૂ. ૨૭,૦૦૦ થઈ ગયું છે. આ એરફેર પણ ક્રિસમસ વેકેશન સુધીમાં ૩૦,૦૦૦ સુધી પહોંચી જાય તેવી પૂરી સંભાવના છે.SS1MS