ઓસ્ટ્રિયામાં સ્કૂલોમાં કિશોરીઓ માટે હિજાબ પહેરવા પર પ્રતિબંધ

વિયાના, યુરોપિયન દેશ ઓસ્ટ્રિયાએ એક મોટો નિર્ણય કરી ૧૪ વર્ષથી ઓછી ઉંમરની કિશોરીઓ માટે શાળામાં હિજાબ પહેરવા પર પ્રતિબંધ મૂક્યો છે. સંસદમાં આ અંગેનો એક કાયદો બનાવવામાં આવ્યો છે અને તેનો તાકીદની અસરથી અમલ કરાયો છે.

માનવાધિકાર સંગઠનો અને ટીકાકારોએ આ પગલાને ભેદભાવપૂર્ણ અને સમાજમાં વિભાજન વધારનાર ગણાવી તેની ટીકા કરી હતી.દેશની સંસદે ગુરુવારે મુસ્લિમ યુવતીઓ માટે હિજાબ પર પ્રતિબંધને મંજૂરી આપી હતી.

માનવાધિકાર સંગઠનો અને ટીકાકારોએ જણાવ્યું હતું કે આ કાયદો મુસ્લિમ સમુદાયને ટાર્ગેટ કરે છે અને તેમના બાળકોની ધાર્મિક સ્વતંત્રતા પર તરાપ મારે છે. ઓસ્ટ્રિયામાં ઇમિગ્રન્ટ્‌સ સામે વધતાં જતાં રોષ વચ્ચે સત્તારૂઢ રૂઢિવાદી સરકારે આ દરખાસ્ત કરી હતી. સરકારે દાવો કર્યાે હતો કે હિજાબ પરનો આ પ્રતિબંધ યુવતીઓને હિંસા અને ઉત્પીડનથી બચાવવાનું એક પગલું છે.

જોકે વિપક્ષ ગ્રીન પાર્ટીએ તેને ગેરબંધારણીય ગણાવી આ દરખાસ્તની વિરોધમાં મતદાન કર્યું હતું.નવા કાયદામાં ઇસ્લામિક પરંપરા મુજબ ૧૪ વર્ષથી ઓછી ઉંમરની છોકરીઓને શાળાઓમાં માથું ઢાંકવાની મનાઈ છે. શિક્ષકો, વાલીઓ અને વિદ્યાર્થીઓને આગામી ફેબ્›આરીથી નવા નિયમની જાણ કરાશે. શરૂઆતમાં ઉલ્લંઘનો પર કોઇ દંડ થશે નહીં, પરંતુ વારંવાર ઉલ્લંઘન કરવાથી વિદ્યાર્થીના વાલીને ૧૫૦ થી ૮૦૦ યુરો સુધીનો દંડ થઈ શકે છે.SS1MS