ખેડબ્રહ્માના ચાડા ગામે ટ્રક અને મીની લક્ઝરી બસ વચ્ચે અકસ્માતઃ મુસાફરો ઘાયલ
(પ્રતિનિધિ) ખેડબ્રહ્મા, ખેડબ્રહ્માના અંબાજી હાઈવે પર આવેલ ચાડા ગામ પાસે અંબાજી હાઈવે પર સવારે એક સિમેન્ટ ભરેલી ટ્રક અને પેસેન્જર મિની લક્ઝરી બસ વચ્ચે ગંભીર અકસ્માત સર્જાયો હતો. આ દુર્ઘટનામાં મિની લક્ઝરીમાં સવાર કેટલાક મુસાફરો ઘાયલ થયા હતા,
જેમને તાત્કાલિક સારવાર અર્થે હોસ્પિટલમાં ખસેડવામાં આવ્યા હતા. આ અકસ્માત ચાડા ગામની દૂધ ડેરી પાસે થયો હતો. અકસ્માતમાં સામેલ વાહનોમાં મિની બસ લક્ઝરી ગાડી નંબર ૯૨૬૧ અને ટેમ્પો (ટ્રક) નંબર ૩૬૯૭ નો સમાવેશ થાય છે.
ઘાયલોમાં મધુબેન ખુશાલદાસ સોનયા (ઉંમર ૪૯), નાંદની ખુશાલદાસ સોનયા (ઉંમર ૨૪) અને ગોધરાના મોહિનીબેનઅને ગોધરાના મોહિનીબેન જેઠવાની (ઉંમર ૭૪) નો સમાવેશ થાય છે.
આ ત્રણ લોકોને ખેડબ્રહ્મા જનરલ હોસ્પિટલ ખાતે સારવાર આપવામાં આવી હતી. અન્ય ઘાયલોને વધુ સારવાર માટે ખાનગી હોસ્પિટલમાં ખસેડવામાં આવ્યા હતા. ફરજ પરના ડોકટરોએ તમામ ઘાયલોને તાત્કાલિક સારવાર પૂરી પાડી હતી.
