અમેરિકામાં કાયદેસર ઇમિગ્રેશન પ્રક્રિયા વધુ કડક બની- શું છે મુખ્ય ફેરફારો ?

અમેરિકા સરકારની તાજેતરની વહીવટી નીતિ પરિવર્તનો અને નિયમો અમલમાં આવતા કાયદેસર ઇમિગ્રેશન પ્રક્રિયા વધુ કઠોર બની ગઈ છે. નવા નિયમો અને મે મહિનાનો મેમો અમલમાં આવતા ગ્રીન કાર્ડ માટેની અરજી ધરાવતા અનેક અરજદારોને મુશ્કેલીનો સામનો કરવો પડી રહ્યો છે.

મુખ્ય ફેરફારો શું છે

• સહીની ભૂલ માટે ફી જપ્ત અને અરજી રદ કરવાનો નિયમ: હવે અરજીમાં સહીની ભૂલ જણાય તો ફી જપ્ત રાખી અરજીને તરત જ નામંજૂર કરવાની વ્યવસ્થા કરવામાં આવી છે. આ નિયમથી નાના ટેકનિકલ ભૂલ પણ ગંભીર પરિણામ આપી શકે છે.
• ગ્રીન કાર્ડને સરકારી મહેરબાની તરીકે જોવાની દિશામાં મેમો: મે મહિનામાં બહાર પાડવામાં આવેલા મેમોમાં ગ્રીન કાર્ડને કેટલીક પરિસ્થિતિઓમાં “સરકારી મહેરબાની” તરીકે ગણવાની વ્યાખ્યા આપવામાં આવી છે, જે અરજદારોની મંજૂરીની પ્રક્રિયાને વધુ કડક બનાવે છે.

ભારતીય નાગરિકો માટે મહત્વની કેટેગરીઝ EB-2 (પ્રોફેશનલ/ઉચ્ચ કૌશલ્ય) અને EB-5 (નિવેશક) પર આ ફેરફારોનો સીધો પ્રભાવ જોવા મળ્યો છે. આ કેટેગરીઝ માટે ક્વોટ ભરાઈ જવાના કારણે પ્રોસેસિંગ લાઇન “હાઉસફુલ” બની ગઈ છે અને કેટલીક પ્રક્રિયાઓ ઓક્ટોબર સુધી માટે ફ્રીઝ થઈ ગઈ હોવાનું સમાચારમાં જણાવાયું છે. આથી ઘણા અરજદારોને ગ્રીન કાર્ડ મેળવવામાં લાંબી રાહ જોવી પડી શકે છે.