કોઈ પણ અમેરિકન સૈનિક જીવતો પરત ફરશે નહીં-8 સૈનિકોના મોત બાદ ઈરાન ભડક્યું

અમેરિકાના હવાઈ હુમલામાં કુલ આઠ ઈરાની વાયુસેના અને નૌકાદળના સૈનિકોના મોત થયા હતા

તેહરાન,  અમેરિકાએ હવે ઈરાન પર નવા હુમલાઓ કર્યા છે. હોર્મુઝ સ્ટ્રેટમાં ત્રણ વ્યાપારી જહાજો પર ઈરાની હુમલાઓ બાદ અમેરિકા છેલ્લા ત્રણ દિવસથી દરરોજ ઈરાની શહેરો, નગરો અને માળખાગત સુવિધાઓ પર હુમલો કરી રહ્યું છે.

હવે ઈરાનના કોનારકમાં ઈરાની નૌકાદળના મથક પર હુમલાના અહેવાલો છે.  ફાર્સ ન્યૂઝ એજન્સી અનુસાર, ગઈકાલે રાત્રે અમેરિકાના હવાઈ હુમલામાં કુલ આઠ ઈરાની વાયુસેના અને નૌકાદળના સૈનિકોના મોત થયા હતા.

ઈરાનની એક ન્યૂઝ એજન્સીએ સ્થાનિક અધિકારીઓએ ટાંકીને આ હુમલાની જાણકારી આપી હતી. ઈરાની સમાચાર એજન્સી મેહર અનુસાર, દક્ષિણ ઈરાની શહેરો બંદર અબ્બાસ, બુશેહર અને ચોગાદકમાં પણ અનેક વિસ્ફોટ થયા. મેહર અનુસાર, બંદર અબ્બાસમાં જોરદાર વિસ્ફોટો સંભળાયા હતા. બુશેહર અને ચોગાદકમાં કુલ છ વિસ્ફોટ થયા.

બુશેહર પ્રાંતની આસપાસ પણ વિસ્ફોટો સંભળાયા હતા. મેહરે કોનારક શહેરમાં પણ ત્રણ વિસ્ફોટોની જાણ કરવામાં આવી. જોકે, ઈરાનની સરકારી સમાચાર એજન્સી ઈરનાએ બંદર અબ્બાસમાં વિસ્ફોટના અહેવાલોને નકારી કાઢ્યા છે. એક અધિકારીને ટાંકીને જણાવ્યું હતું કે બુશેહર શહેરની બહારના ભાગમાં આવેલા લશ્કરી થાણા પર યુએસ અને ઇઝરાયલી પ્રોજેક્ટાઇલ દ્વારા હુમલો કરવામાં આવ્યો હતો. શહેરમાં સંભળાતા વિસ્ફોટો એર ડિફેન્સ બદલો લેવાને કારણે થયા હતા. અહેવાલ આપે છે કે અમેરિકાએ ઈરાન પર કોઈ નવા હુમલા શરૂ કર્યા નથી.

ઈરાનમાં તાજેતરની યુએસ લશ્કરી કાર્યવાહી વચ્ચે અમેરિકન રાષ્ટ્રપતિ ટ્રમ્પે ઇઝરાયલી વડાપ્રધાન બેન્જામિન નેતન્યાહૂ સાથે ફોન પર વાત કરી. વાતચીતની વિગતો આપતાં ઇઝરાયલી વડાપ્રધાન કાર્યાલયે જણાવ્યું હતું કે બંને નેતાઓ બંને દેશો વચ્ચે સંકલન ચાલુ રાખવા સંમત થયા હતા. ટ્રમ્પે નેતન્યાહૂને ગલ્ફમાં તાજેતરની યુએસ કાર્યવાહી વિશે માહિતી આપી હતી.

નેતન્યાહૂએ ઇઝરાયલના અÂસ્તત્વ અંગે તુર્કીના રાષ્ટ્રપતિના તાજેતરના નિવેદનોને ગંભીર ગણાવ્યા હતા અને દેશની સરહદ પર સુરક્ષા ક્ષેત્રની જરૂરિયાત પર ભાર મૂક્્યો હતો. નોંધનીય છે કે હોર્મુઝમાં કોમર્શિયલ જહાજો પર ઈરાનના હુમલા પછી ડોનાલ્ડ ટ્રમ્પે જાહેર કર્યું હતું કે તેહરાન સાથે ઇસ્લામાબાદ એમઓયુ સમાપ્ત થઈ ગયો છે.

ટ્રમ્પે ઈરાન વિરુદ્ધ કડક કાર્યવાહી કરવાની હાકલ કરી. ત્યારબાદ યુએસ સેનાએ બંદર અબ્બાસ અને સીરિક સહિત અનેક ઈરાની શહેરો પર હુમલો કર્યો. તાજેતરના અમેરિકાના હુમલામાં ૧૪ લોકો માર્યા ગયા હતા જ્યારે ૭૮ અન્ય ઘાયલ થયા.