“કસૌટી જીંદગી કી ૨”નો અંતિમ એપિસોડ શૂટ થયો
મુંબઈ: એકતા કપૂરે તેનાં પોપ્યુલર શો કસોટી જિંદગીને નવાં અંદાજથી લોન્ચ કર્યો હતો. અનુરાગ અને પ્રેરણાની લવ સ્ટોરી અને તમાં ખુબ બધા ટિ્વસ્ટ એન્ટ ટર્ન્સ. શો પણ ઘણો જ ચાલ્યો. પણ હવે જાણે શોને કોઇની નજર લાગી ગઇ છે. મીડિયા રિપોટ્ર્સની માનીયે તો લાંબા સમય સુધી લોકપ્રિયતા અને ટીઆરપીમાં આગળ રહ્યાં બાદ હવે શોની ટીઆરપી તદ્દન પીટાઇ ગઇ છે. એવામાં શો બંધ કરવાની અણીએ આવી ગયો છે.
એવામાં આ શોનાં અંતિમ એપિસોડ અંગેનાં સમાચાર સામે આવ્યાં છે. આ ઉપરાંત શોનાં છેલ્લા એપિસોડની એટલે કે શો ઓફ એર થવાની તારીખ અંગે પણ કયાસ લગાવવામાં આવી રહ્યાં છે.
૨૦૧૮માં લોન્ચ થયેલો આ શો ૨ વર્ષ બાદ રેપઅપ થવાનો છે. કહેવાય છે કે, શો પર કોમોલિકાનાં કેરેક્ટરને હાલમાં પૂર્ણ કરવાનો ર્નિણય લેવામાં આવ્યો છે. મીડિયા રિપોર્ટ્સ મુજબ, આ શોનો અંત અનુરાગ અને પ્રેરણાનાં એક હેપી એન્ડિંગ હશે કારણ કે કોમલિકા આખરે મરી જશે. મિસ્ટર બજાજ અને પ્રેરણાનાં અંતિમ સીનનું શૂટ થઇ રહ્યું છે.
જે આ અઠવાડિયામાં પૂર્ણ થશે. આ શોમાં મોહિની બાસુનો રોલ અદા કરી રહેલી એક્ટ્રેસ શુભાવી ચૌક્સીએ શો ઓફ એર થવાનાં સમાચાર પર વાત કરતાં કહ્યું કે, પ્રોડક્શન હાઉસ તરફથી આ વાતની માહિતી મને આપવામાં આવી છે ત્યારથી જ ઘણી આઘાતમાં છું. આ શો મારા જીવનનો મહત્વનો ભાગ રહેશે. ખાસ કરીને એ માટે કારણ કે મે લાંબા સમય બાદ આ શોથી કમબેક કર્યુ હતું.
